莊大爺22個月

21 JAN 2014

BIG YEAH 22M

又遲左打添, 因為CNY既關係, o係公司要拿拿淋清晒啲野趕住收爐

無乜時間打!!!!仲有另一個原因

李丞丞上黎又睇完一輪風水, 移到我個mon好開揚=.=!!!搞到打blog都要私私縮縮

22個月喇!!大爺呢家越黎越識關心人

真係一個好窩心既BABY

有次我同佢講媽媽流血血, 即係走黎揇住我錫

 又同我講"呵返媽媽", "無事, 唔使擔心"

唔止媽媽會咁, 其他人佢都會關心, 會呵返

呢家大爺講說話好靈光...+ 越級老積

識講完整句字

啲((啦)), ((喇)), ((喎))....跟晒大人啲口吻

DADDAD你搵下先((啦))

好((喇)), 等我搵下先

((係喎)), 就係咁((喇))

點解啊??呢個係乜黎架???

唔該晒

我想要一粒糖糖

OK((喇))

講野要重複十幾次

呢個乜黎架?呢個乜黎架?呢個乜黎架?呢個乜黎架?呢個乜黎架?呢個乜黎架?

我都忍唔住要暗住佢個咀XD

性格方面: 

雖然佢叫大爺, 但性格一啲都唔大爺

俾人搶左玩具, 佢又唔會去搶返

自己啲玩具又肯同其他小朋友分享

出街搭車車大多數都肯坐定定

暫時都算乖 ((希望唔好讚壞佢))

同埋近排發現佢好感性..WAKAKAKA

見到啲小朋友喊, 又話慘慘, 自己眼濕濕

睇TV見到啲人唔開心, 佢又會話姐姐唔開心, 呵返, 佢個樣變得好凝重..XD

 讚完佢又要講下佢要衰野

成日啜手指, 玩到咁上下就自己走上梳化瞓係度啜手指

好似人地嘆茶咁, 嘆住手指睇TV

打佢手手, 佢又唔驚 , 一蚊開佢隻手無耐自己又啜返

呢家連手指水都好似無乜用咁, 佢都照啜

仲有乜方法可以戒呢????

近期終於肯拖住行, 唔再FING開我喇!!!

前排佢對公園無乜興趣, 哈哈, 緊係啦, 玩厭左..

公公日日都帶佢去兩次, 屋企附近啲公園佢都玩到厭晒...

結果公公就改帶佢去行山

大爺就好似俾人軍訓咁, 俾公公迫自己行上山, 一路都無抱佢

落山先會抱佢

爬爬爬

唔危險既佢唔做

唔知咩事要企係度打千秋,  我覺得係公公所為

唔識死既小朋友仲要FING FING FING

小檬既叫HAPPY FACE

大爺既係叫CUTE CUTE...HAHA

SIR...........滑梯

每次出街要揀一架車袋o係袋度

到咁上下就拎出黎玩..

o係個公園遊車河左一個圈, 連滑梯底都遊埋haha