[[BIG YEAH]] 兩歲大快樂!! (上)

21 MAR 2014

話咁快大爺兩歲喇!!

為左彌補返上年媽媽O係你正日去左旅行疏夫

((啲朋友,屋企人成日都提住大爺上年生日媽媽爸爸掉低左佢囉=.=!!))

今年突登請假陪你玩個夠

講下兩歲進度先

食   早:奶 午+晚:粥/飯

大爺唔多like食通粉..((唔通我整得難食??XD))

基本上公公話佢個口長期無停過, 所以下午茶無特定俾佢食

自行進食: 選擇性

雪糕/啫喱: 筆得好好, 食晒!!

粥粥/飯飯: 筆十啖度, 開始玩碗野, 吼!!!

((平時公公無俾大爺自己筆架, 公公太多野做, 我都無要求佢咁做,

唯有我放街無節目去先俾大爺筆下))

戒片 VV戒片片仲未進行

POO POO好早己經識嗌去廁所痾

呢家仲要我閂埋門俾佢自己O係廁所痾

認知 大爺認知方面都好好, 好多佢都識, 好有記性

可能公公平時帶得多佢去行山, 公園, 見多識廣

但一路教激佢都唔識, 就係顏色=.=!!

淨係黑色先岩, 其他色亂咁答

係咪有色盲???淨係睇到黑白??

說話  會自己打開故事書作故事俾我聽

唱歌仔,有時唔記得歌指就LUR住黎唱

瞓覺前自己講一大輪野先肯瞓

成日問點解會咁既???呢個乜黎架???

唔應佢既話會不停問到你應佢為止=.=!!!

總之把口唔停, 真係暈~

上次宜姨諗住整古佢, 拎左橙塊白色皮叫佢食

佢即刻話"呢塊係皮皮黎架, 唔食得架"

聽到呢一刻當堂覺得呢個鬼靈精長大了, 識駁返人

性格 感性,有同情心

(上次FB放左段睇兒歌既, 佢真係喊得好淒涼)

脾氣算好, 好少發脾氣, 暫時仲肯聽人講

好動熱情 近期鐘意O係公園痴住啲姐姐哥哥玩

O係街見到姐姐係前面, 就會一枝箭跑上去,

仲一路跑一路講"追姐姐啊, 要同姐姐玩"

仲要拖住姐姐, 不過通常佢都食檸檬多..XDD啲姐姐唔SHOW佢

學習  無幫大爺報N班 等佢玩多年

PG呢家上左3個月度, 星期六下午一堂(1小時)

大爺好鐘意返PG架, 好鐘意啲老師

但都係媽媽衰, 經常帶你走堂XDDD

仲有2堂仲未得閒補堂

生日當日, 一早同大爺玩下影相等大爺爸起身

咮!!!靜啲啊, DAD DAD 瞓緊覺啊~~

好鐘意人地影相, 拱到咁埋..

嘆緊佢招牌大爺手指

預備左個迷李旦糕俾佢吹下開心下

大爺真係好鐘意吹蠟燭