莊大爺25個月

21 APR 2014

大爺25個月

說話: 越黎越老積, 學足大人啲口吻

近排成日講"不如", "其實", "如果","但係", "咁"....之類既野

媽媽~不如我地去街街玩囉

咁樣囉, 咁樣岩喇!

其實我好鐘意你架

原來係咁樣架

啊，我諗下先。。。唔。。諗唔到喎

等等老積既說話

刷牙: 之前用清水刷, 呢家俾佢用牙膏刷

戒片片: 天氣暖返, 戒片片行動可以開始 (計劃中)

要說服公公一齊幫手戒片片先得

如果大爺賴濕佢張梳化, 唔知公公會唔會發癲呢??XDDDDDD

嗯~~~俾我應該會發癲囉, 何況公公

識知: 識分大/細, 多/少, 肥/瘦, 對/錯

呢個大爺每晚瞓前都要拿起我件衫, 瞓係我個肚上面

一路瞓一路話"瞓媽媽個肚肚度", "媽媽個大肚腩"=.=!衰仔 

我話媽媽個肚唔大架, 最細

佢反駁"唔係, 媽媽個肚腩最大"

然後我不停話"最細最細最細架" 

佢就會話"最大最大, 媽媽肚腩係最大"

@__________@小朋友真係唔識講大話架!!

大爺爸成日迫我帶大爺去剪頭髮

其實我之前都剪得幾好啊, 又話我剪到佢一忽忽喎!!

又話長熱到佢出晒汗!!其實大爺啲頭髮咁薄剷唔剷都咁上下啫.XDDDD

之前婆婆同大爺剷過頭, 大爺好怕o個啲聲, 又周圍郁

今次竟然出奇地坐定定 

(不過我諗佢其實係驚既, 見佢合晒眼, 又成日縮晒膞好咁緊張咁,哈哈)

近期開左盒泥膠俾佢玩

~~~好鐘意玩咁, 玩得好認真呢~~~

大爺遺傳左大爺爸, 都係咁鐘意chok

等車都chok一番!!!!仲要企定定俾我影相..

大爺: 我有唔有型????