[[BIG YEAH]] 26M - 讚美, 懂事, 窩心小孩

21 MAY 2014

BIG YEAH 26M

當大爺8-9個月大既時候, 有個是非精同事 同我講

"你個仔個樣好串" 

"呢啲樣咁串既小朋友, 唔得人鐘意, 見到都唔想同佢玩囉"

"O係街見到呢啲小朋友我都唔會撩佢玩"

其實佢又未見過我個仔, 睇fb啲相就話佢唔得人鐘意

O個時都好唔開心,究竟大爺邊張相個樣串襯佢呢???

一個小朋友邊度得罪你要咁話佢??

雖然大爺沒有識氹人既可愛樣

但如果接觸過大爺既, 都唔會係呢個人口中咁,唔想同佢玩

((其實咁耐都只係呢個人咁同我講過, 但都唔開心左一排,
我都知呢個人把口係咁衰, 不過佢話大爺真係火都黎, 更何況大爺唔係佢講咁)

------------------------------------------------------------------------

26個月既大爺, 俾我感覺得係大個仔, 好似好識諗咁
越黎越鬼馬, 好識氹人
當然有時唔順佢意時都會發下小脾氣, 但好快佢就知錯
((因為MAMA鬧起佢上黎真係好惡XDDDD =.=我通常係做惡人衰人個個黎))

讚美: 常常教大爺讚美人, 我亦都常常讚美大爺

近期大爺迷上車既水潑, 有次搭巴士坐係車頭俾佢睇司機叔叔JA車車

突然間落大雨,司機禁左水潑, 潑走啲雨水

大爺就好大聲講" 司機叔叔你好犀厲啊"

個司機叔叔被佢讚到狂笑, 仲笑到好燦爛WAKAKAKAKA

(可能司機叔叔平時好少俾人讚,原來自己咁叻)

臨走仲叫大爺記住下次要搭佢車

小小既讚美己經氹到人咁開心, 希望大爺永遠都咁識氹人

懂事: 上個月舅父舅母好唔開心, 因為未出世既BB們走了

O係醫院返黎後, 舅母要好好休息

舅父話左俾大爺知, 舅母肚入面既小天使走左,舅母要休息

大爺就好生性, 走入房錫錫舅母同錫掛係度既小天使

仲話"小天使佢地走左, 去左天父度, 拜拜"

出返廳之後仲話"要細聲啲, 唔好嘈, 母母休息啊"

舅父同我講返, O係佢地傷心既時候大爺帶俾佢地安慰

窩心: 聽到婆婆咳咳, 大爺行埋去話"咳咳好辛苦??呵返~"

有朝大爺6點就起左身, 仲叫我沖奶奶

一早被嘈醒燥底, 佢仲要不停催我去沖奶奶

出房門前我只不過輕輕拋底兩個字"唉~~吔"

沖完返黎一開門, 大爺就望住我好可憐咁講"SORRY MAMA"

個下聽到真係好感恩(其實佢都無做錯, 做乜同我SAY SORRY? XDDDD)

**讚完佢, 下一篇要講下佢啲衰野平衡下先得**


------------------------------------------------------------------
舅父好錫大爺架, 一得閒就拎相機影下大爺
YEAH!!MAMA, 呢頁俾我撕爛左架

好專心

呢本書經大爺隻手, 應該會命不久矣!!

呢個咩黎架??

又有一日, 舅父舅父公公帶左大爺去沙田行街街
我都好想去, 但MAMA要返工囉=.=!!!

坐車車, 好開心

HIHI!!!

原來平日無乜人??? 有次黎真係人山人海, 見到都怕怕!!!

望咩望??

有咩望啊??

拎左舅母個袋黎載車車出街玩

係啊..大爺好錫啲車車架, 車車都要SIR滑梯架!!

IKEA又係一個好去處

大爺乜都搞一餐

餓鬼投胎既大爺...食相好狠啊..

真係豐富=.=!!!