[[BIG Yeah]] 27個月大喇!--戒奶樽, 戒片片

大爺話咁快27個月大啦!!!

首先送上三張型仔相

型仔背後, 其實係傻瓜旦一名

大爺"媽媽, 我要插袋啊, 個袋o係邊啊, 搵唔到既, o係邊??"

嘩哈哈哈哈!!!笑屎我!!

就係咁, 佢企係度搵左好耐褲袋..XDDDDD

大爺"啊, 搵到喇"

係!!!終於搵到喇~~~

今個月有兩樣野特別要讚佢, 真係好抵讚XD

(1) 戒奶樽

話說最後一次去健康院時, 姑娘己經話要戒奶樽

不過大爺當時見到唔係奶樽就唔肯飲, 所以試左兩,三次我就無再試

呢家因為批奶樽都用左好耐下, 要換過新一批

同埋個消毒器又壞左..媽媽我為左慳錢唔買又試下俾飲管杯大爺飲

為左佢接受唔用奶樽, 佢朝早起話要飲奶奶時就同佢講

"啲奶樽掉晒啊, 不過買左新杯杯俾你, 好靚架, 用新杯杯好無啊?"

大爺又好順灘話"好啊, 用新杯杯"

WAKAKAKA...好順利啊呀!!

之後間唔中到呢家佢都話要用返奶樽, 不過俾佢用返飲管杯佢又無嘈

(2)戒片片

之前同公公講叫佢幫大爺戒片片

不過公公一聽到就話無時間幫佢戒=.=!!!

算!!我都知佢好忙, 都無再講LU!!!

不過公公去完旅行返黎, 唔知係咪心情好,突然話幫大爺戒片 

經過一個幾星期公公既HEA戒方法, 大爺呢兩日都無賴濕過啦!!

希望佢KEEP住, 繼續進步, 唔好退步返啦~

因為公公戒片方法實在太HEA, 大爺比我預早成功左

所以真係覺得大爺今次好讚!!!叻仔~~~

公公HEA戒法:

朝早起身就唔著片片, 落百街買餸同去行山都係無著片

但一返到公公屋企又著返片(即係得朝早係無著片)

公公話整濕都O係我屋企, 同條街喎=.=!!!

之後隔幾日大爺識講痾vv, 瞓完晏覺之後都唔著片

如果大爺O係街賴濕左, 公公就同佢講

"賴濕左就唔抱抱架喇, 無得玩喇, 要自己行返屋企架喇"

大爺唯有濕住條褲好無奈咁行返屋企..XDDDD

我地無定時定侯帶大爺去廁所, 要由佢自己把口講話要痾vv

賴濕唔緊要, 賴濕幾次佢自己就識講要痾vv架喇!!

而公公唔會俾廁板佢痾VV

男仔要俾個訊息佢坐O係度係痾POO POO既,企O係度就係痾VV既!!!

所以大爺呢家係識分自己係想痾POO POO定VV

==============================================================

尋日朝早起身, 大爺又想去公園玩,

我又心情大靚(因為難得佢九點先起身),

所以俾件雨褸佢落平台感受下, 同踩下水

不過同佢講明, 要著左雨褸同拖鞋先可以踩水氹

平時無著唔可以亂踩架!!!同埋唔可以跑架,地下濕會跌底架

如果勁大雨就要返屋企啦~

為左玩, 大爺當然好快答應!!!

哈哈!!第一次踩水既大爺好開心啊~

睇呢張相就知大爺好ENJOY踩水!!!

踩水姿勢非常正..XDDDD

啲水濺左過黎我隻腳度, 佢就笑到咔咔聲

下面平台既看更叔叔見到我地都用好奇既眼光望我地

可能心諗, 呢兩母子九點幾咁早又落雨濕濕落黎做乜呢??

如果佢見我地係度玩水氹, 可能覺得我地傻..XP

我地O係平台慢遊左一個圈, 搵晒啲水氹踩就返屋企喇!!