點解??點解????

大爺出世到呢家不嬲都係公公, 嫲嫲輪流湊

不過公公湊居多, 嫲嫲只係放假O個兩日接力, 等公公休息下

平時嫲嫲會七點幾就黎接大爺走, 一路以黎大爺都好乖

幫佢著好鞋就跟嫲嫲走

直到上個月開始, 嫲嫲一禁鐘, 佢就即刻跳上梳化喊

一路喊一路話唔要嫲嫲, 唔去嫲嫲度

氹一氹佢都肯跟嫲嫲走

但開始越黎越抗拒, 直到今日, 大爺真係好激動

未試過大爺咁樣扭法, 喊到唔透唔到氣

嫲嫲想抱佢或者講一句野, 佢就越喊越激動

不停話唔去嫲嫲度啊, 唔好過黎啊, 走啊~~~嗚嗚..

真係百思不得其解!!!!

擾攘左成幾個字,話媽媽抱你, 送媽媽返工得唔得

佢先開始軟化, 話好啊

但我要抱住佢著鞋, 咩袋, 都係唔肯俾嫲嫲抱

落到樓下心情好啲, 氹幾氹最後都肯跟嫲嫲走啦!

唉~~如果下星期又係咁, 咁點算呢?

遲下十月嫲嫲退休就到嫲嫲湊多, 到時都係咁, 又點算呢?

見到佢喊到咁, 真係想唔返工...

平時好少扭計既大爺, 點解咁既呢??

公公黎湊又無事架喎, 連我走啦返工都無一刻唔捨得既

點解嫲嫲黎會咁大反應呢???

平時夜晚返去見佢對嫲嫲又無野架喎, 相親相愛架喎!!

好多個問號啊????點解??點解????