與啷啷細佬暢泳@海濱南岸

28 JUN 2015
與啷啷細佬暢泳@海濱南岸

嘩咔咔, 無錯, 今日節目又係同"水"有關
實在太熱,一放假淨係想跳落水!!

今日去搵契媽,啷啷細佬游水
依個大爺, 我地都未放好野, 自己己經跑左去落水
仲要唔知死衝去大人池,嚇死我, 即刻跑去捉佢去BB池
但呢度個BB池深水過屋企樓下o個o個

一有得玩水佢真係好開心!!

仲要今日有伴玩又有佢最愛既契媽, 開心到佢癲左!!

呢套泳衣連埋頂帽真係唔錯, 遮到塊面, 又可以遮埋條頸唔使曬燶

大爺叫呢頂帽做"炳萬帽"
因為大爺話"叢林的法則"炳萬哥佢地成日帶呢啲帽
((大家有睇J2既 叢林的法則既話就明, 大爺好鐘意睇))

話說啷啷細佬好怕水, 每次游水都會o係池邊踱步好耐先肯落水,
落左水要鉗實大人, 維持緊張既狀態
今日大爺爸幫啷啷細佬解除左呢個心理障礙
仲唔用水泡扮扶住踢水, 玩得好開心
((後面大爺又唔知想點, 成日玩突出))

有人同佢玩, 我可以坐埋一邊休息下, 影下佢地

無端端又鉗實啷啷細佬,細佬真係慘!!

戰鬥格咁喎, 想點???

大爺:"你做乜射我啊"

點解我成日影到佢呢啲表情??
睇黎佢真係要行騎呢路線~~

大爺癲左, 啷啷細佬都唔好得多
癲到咬我件衫=.=!!!

兩個仲好識嘆

按摩池 , 大爺驚
我發覺大爺好驚啲識噴水出黎野
上次迪迪尼有個噴水位俾小朋友玩, 佢又話唔玩

玩到咁上下, 去大人池玩下
兩個扮晒識游咁, 唔肯俾我地扶住

HAPPY!!!

玩左3個鐘, 休息下飲下野就走喇!!

兩個都唔願走!!係咁問做乜咁快走..
兩隻鬼咁, 帶住怨氣行去更衣室...XDDD

游完都未完, 去會所個playhouse玩
兩隻野啲電量驚人,一入到去己經勁跑勁跳

自我陶醉中!!!狂攬住條柱轉...

走喇!!下次再玩過~
大爺爸今日一湊二, wakakaka辛苦晒!!

跟住落黃埔麥當勞食野, 食完諗住返屋企
點知................係未完架!!!
大爺食野o個時問一陣去邊, 我地話返屋企啦..
佢好慘話唔想返屋企, 不如去公園玩=.=!!!
 

好好人既契媽見個契仔咁想玩, 提議去冒險樂園玩一次彈彈車

點知玩左彈彈車, 又玩左咖啡杯, 仲玩埋海盜船
 玩完俾我地捉走, 諗住真係走架啦~~~
又俾佢地見到玩具反斗城走左入去, 救命~~~

搗亂完, 終於都肯走!!
一上車大爺就暈左~~返到屋企晚飯都無食,
醒幾分鐘, 隊左支奶又瞓到第二朝!!