[公, 婆,孫] 親親大自然@新娘潭

05 SEP 2015
[公, 婆,孫] 親親大自然@新娘潭
襯仲未涼, 去多次玩水捉魚先

我地又黎啦!!大爺上次玩完, 成日都想再黎..

今日大爺話要自己行, 唔使拖
嗯!!好好好,就唔拖你啦~

大爺話遲啲大個仔陪公公婆婆去行大山XDD

好專心睇路既大爺, 完全無理過我

捉到, 影返張相先..KAKA

仲有公公

到喇!!!YEAH!!

唔好睇大爺咁乖影相
其實佢不停話, 唔使影啦, 快啲落去玩啦..=.=!!

大爺:"影完未啊?"

今日可能星期六, 一個人都無, 我地包場..HAHA!!

又迫佢影下個瀑布

呢個唔使迫XP

終於有得玩水

影到條腿幾長..HAHA

一個玩水, 另一個係度捉魚
兩公孫真係忙啊!!

啲水今日好凍, 所以無俾大爺浸個身落去..

哈哈, 開心就係咁簡單!!
唔使錢又可以玩足大半日~

婆婆捉到條魚啦~

大爺:"HELLO, 魚魚"

今日啲水太凍, 唔敢俾佢玩咁耐
差唔多兩點先走
抹完身離開照鏡潭落返去再玩過
 

頭先公公臨尾捉到條魚啊~

公公婆婆行山必備既蕉

做乜鬼???

咪就係佢另一最愛環節,掉石頭XDDDDD
仲越執越大舊黎掉~

玩完出返去搭車, 大爺9秒9瞓著左
放電成功!!!