[[K1]] 適應期3日+開學日

大爺 上學去
我真係期待左好耐好耐,  真係好興奮..XD
你地小朋友有啲己經返過N班, K1會唔會都好似我咁期待呢??
今年終於輪到我地喇~~YEAH!!

27-28, 31AUG 2015
-- 適應期3日--
9:00-10:00AM 可以一位家長陪入課室

27 AUG 2015   {{ DAY 1 }}
今日星期四, 著運動服
(逢二, 四五著運動服)

好普通既黃色校服XD

大爺著好校服我就出門返工喇!!

第一日, 咁重要日子,  我派左大爺爸去 **益佢啦**

佢地仲一早去左麥當當食個早餐先

最搞笑, 公公婆婆嫲嫲不約而同走去麥當當搵大爺, 俾利是佢開學

真係誇張!! 點解我細個無既???

大爺班房o係2樓

入到班課同老師打招呼就坐低玩住玩具先

第一日就介紹老師, 有唱遊, 同講故事時間 (家長就坐後面睇住)
大爺爸話大爺好乖, 仲有舉手答問題啊!

排隊去洗手間
睇完呢張相, 我就問大爺爸係咪分高矮排? 好彩佢話唔係..wakaka

見佢地一個搭一個膞頭排隊去洗手間, 好得意啊!!!

茶點時間

話咁快就放學喇!!

今日派左書包同餐具喇!
((本身諗住買靚靚餐具俾大爺, 點知學校包埋, 又慳返~ ))

老師己經貼好大爺個名係餐具上, 我連整人名貼紙都慳返~

28 AUG 2015   {{ DAY 2 }}
DAY2輪到我陪喇!!!WAKAKAKA

真係又緊張又興奮又期待 (百感交集)

期待左好耐, 送大爺返學終於都到喇!!
可以睇下大爺上堂喇~

咁值得留念既一刻, 當然影返張相!

仲有隨行專員- 婆婆!!!
咁岩婆婆放大假, 一齊送返學~

返到學校, 校長同老師笑容滿面企左門口迎接
洗左手, 深體溫先入學校

大爺記得要上2樓, 仲話帶我去

大個仔喇!!

己經有2個老師迎接喇!HAHA

因為得一個可以陪, 所以叫婆婆講出面等或者落操場
啊, 佢無理我, 仲跟埋入黎! 見老師無理就由佢
仲好, 有人影下我同大爺.hahaha
佢捉到我好實, 叫我幫佢問隔離個同學仔分享架車車俾佢玩XD

當然叫佢自己問啦, 登登, 成功有車車玩喇!

婆婆叫我幫佢地影張合照先捨得離開個班房

唔使一陣己經同同學仔玩緊車車

但到夠鐘, 老師話如果小朋友可以既, 家長就離開,等小朋友試下一個人
=.=嗚, 仲諗住睇大爺上堂架嘛!!早知我陪第一日啦!!!
((初初諗住我陪呢日星期五, 就可以連續放3日))

同大爺講聲我就出左班課, 大爺亦都輕輕BYE BYE我
一啲留戀我都無!!!!!
 家長就安排去另一個班課等~我就同另一個家長傾下計
傾傾下個老師見有啲家長心掛掛咁就話, 如果心掛掛可以去望下
KUKUKU, 佢一講呢句我即刻走左去偷望

好乖乖上緊課, 仲見到大爺舉手問老師野

排隊去洗手間
大爺出黎見到我就話"媽媽我地扮緊火車"
老師就一路唱歌帶佢地行

佢地去洗手間係分批搭lift, 我就落樓下等佢地

出左lift又排過, 今次變左最尾 (咁睇大爺係矮個批XP)

呢張婆婆影, 大爺知道要洗手, 準備定對手??HAHA

去完又排返隊上課室
佢個眼神係望緊操場, 因為操場有其他班玩緊佢最愛既車車
佢仲問老師幾時有得玩 (真係唔怕羞) 

茶點時間, 每個小朋友都去拎返自己書包

拎返啲餐具出黎 (毛巾盒-濕毛巾, 水杯, 碟仔)
祈禱後就食得喇, 食完拎濕毛巾抹咀咀

食完就夠鐘放學喇!!家長課室門外排隊接
一嗌大爺名, 佢就即刻衝出黎!!!

放學啦!!

BYE BYE完老師,就拉左我門口側邊睇魚魚

o係門口見返同學仔, 好似好熟咁走去拖人

好快識到同學仔啦~仲一齊行返屋企

仲齊齊睇雀仔haha

婆婆今日好似巡視學校咁, 係佢電話發現佢度度都影下

其實連我自己都無行過學校一個圈

有蓋操場

大爺去洗手間經過呢度見到其他班同學仔玩緊
聽其他家長講, 大爺個班第三日先有得玩

操場

遊樂場

操場望返去學校

31 AUG 2015   {{ DAY 3 }}

第三日, 輪到公公陪, 叮囑公公影相俾我睇
嘩, 公公比大爺爸更加做到野, 大量相加3條短片haha

終於著校服喇!!!
大爺話鐘意呢套架, 因為係藍色喎!!

帶公公去課室

公公陪玩陣玩具就要出返課室

今日輪到佢地去有蓋操場玩
呢張好好笑, 阿大爺搭住人地膞頭扮fd, hahaha
個同學仔表情仲要好無奈

大爺最愛既車車.XDDD

排隊去洗手間, 點解佢又排第一???

拎返個書包返位, 就食茶點

自己拎餐具XD

話咁快1小時就放學喇!!

9月日1日 開學日
今日正式開學喇, 返9:00-12:00
今日係嫲嫲帶返學, 仲有大爺姑媽(真係大陣仗)

開學先黎落雨, 好彩己經買定雨褸俾大爺,仲同嫲嫲講左
但係嫲嫲無拎出黎俾大爺著喎??? 雖然短路程, 抱住都好攰架嘛~

今日落雨, 淨係送到玻璃門就得, 唔使送上班課
老師就帶佢地搭lift去班課

大爺係又一啲留戀都無, 就跟左老師走喇~

放學啦! 又係大爺姑媽同嫲嫲接
老師話大爺好乖, 坐定定, 跟到晒老師

姑媽仲send呢張相黎
咁快錫老師, 呢個大爺真係熱情HAHA

唔知大爺話要著雨褸定嫲嫲叫佢著

著左雨褸自己行咪幾好, 唔使抱咁辛苦

見大爺返學咁開心, 咁鐘意返學, 我都好安慰!!
希望呢3年佢好好享受返幼稚園快樂既日子~

 

而媽媽我呢幾日陸陸續續派左手冊, 通告, 書本
我晚晚返去就開佢書包, 簽通告, 睇手冊, 執好第二朝返學既書包
呢份工作我好鐘意做XDDD

每晚瞓覺, 我都會問下大爺返學做左啲咩黎, 玩左啲咩,食左啲咩茶點~
媽媽上學校網睇左每日茶點食乜, 睇下佢答得岩唔岩
嗯!!又答得岩喎, 無亂答hea我喎..haha