[年廿八] 再戰AIA嘉年華

6 FEB 2016

[年廿八] 

再戰AIA嘉年華

今年其實無打算去嘉年華燒錢架, 

不過聖誕節時大爺虎虎送左5張飛(每張包$100代幣), 唔使錢玩點都要去一次

但聖誕後就不停落兩, 一係就太凍, 拖到年廿八先去

有5張飛, 所以約埋妹妹一家去

((其實去嗰日己經免費入場,不過我地就有50個代幣玩))

我地等宜姨黎無無聊聊就影下摩天輪啦~

不過大爺好心急入場, 不停問宜姨黎未, 宜姨黎未, 入得去未=.=

終於人齊喇, 可以入去啦!

入到場, 大爺見到乜都話要玩

大爺爸首先贏左隻George返黎, yeah!

幾咁開心都滿足既樣..hahaha

要大爺投入, 佢阿媽我必須更投入

必玩佢既最愛cars

俾我估中,佢真係要揀藍色!!!佢最鐘意既顏色黎架~

見到佢咁開心, 我無份玩都覺得好開心!!

大爺爸仲開心過大爺

呢個划艇仔, 大爺見到又話要玩, 仲好認真去划架~

好enjoy

珍珍表姐未玩得, 唯有同啲公仔影下相

大爺爸對呢個好有信心, 真係俾佢入左2球羸左個中奬

我覺得今年啲公仔靚過上年好多!!

宜姨想夾隻飛哥, 但我地幾個夾黎夾去都夾唔到

點知大爺見入面有個鬼婆staff就同佢揮手, 又指住隻公仔

仲飛吻左幾下個鬼婆 ,個鬼婆就拎左隻細既掉左落個窿度

大爺即係去拎, 勁興奮 (早知我地唔使夾得咁辛苦啦)

大爺好乖,隻飛哥送返俾宜姨~

表妹就有個冬甩戰利品

呢個真係好無聊, 大爺又話要玩, 仲要揀個公主車卡XD

我覺得呢個最好玩

休息時間, 買啲小食坐下先

大爺話要既棉花糖, 但食左兩啖就話唔要=.=

食完又繼續, 開始天黑

今日都無乜人, 係咪個個o係屋企大掃除呢???

玩呢個得大爺一個咋

大爺爸同妹夫就玩左呢個,轉到佢地暈陀陀

唔知係咪無乜人玩, 真係轉左都幾耐下..kaka

最後了左大爺既心願, 由入黎到走都話要玩射水

點解我玩襯都嬴唔到既???

好~~玩晒啲代幣就走lu!

出去雪糕車買返杯雪糕食先

o係個靚靚摩天輪下食雪糕係好味啲架.XP

我地陪宜姨一家返大埔食埋飯, 順便去埋行花巿

目的只有一個, 買一個汽球俾大爺 

好快行左一圈就返屋企lu!