[放暑假2016] 學游水

[暑假2016] 學游水

暑假開始,好多家長都紛紛幫小朋友報下暑期班

我呢個懶媽係想報既, 諗住報屋苑個游泳班, 夠近嘛, 同埋大爺好鐘意游水~XD

點知原來5歲先可以報, 所以諗住算啦, 咪下年先學囉..

一路都無再搵野報, 等大爺同公公行下山, 同嫲嫲去下街咪得囉..!!

  

好彩, 有個朋友問大爺, 一唔一齊自組學游水~~

地點都近, 去朋友屋苑泳池, 價錢OK, 所以大爺就有暑期班玩下啦..YEAH!!

教練1對4 , $100/一堂 , 唔包入場費

逢星期一, 三學

 我地一共報左8堂~

因為平日學,我就無得睇佢上堂既情況,由公公湊去

頭兩堂都係公公報告返俾我地聽, 亦都有影幾張相同拍片

公公報告:
大爺上堂唔多專心, 掛住自己玩聽唔到教練講野咁 (佢真係以為去玩)

唔肯浸塊面落水!! ((平時沖涼都唔肯淋塊面, 估到佢會唔肯))

我見教練都係惡既, 大爺游埋去隔離同學仔度玩, 教練就潑水落佢塊面XD

有次大爺拎個浮板玩, 玩玩下fing fing下仲潑水向教練, 教練就警告佢唔好再咁, 

再係咁就要練多幾次浸個頭落水~話口未完仲游埋去教練度

 之後公公帶大爺去左一次游水, 特訓佢浸塊面落水,成功左!!

到左第三堂, 咁岩大爺爸放假, 我就叫佢湊大爺去學游水喇!!

大爺爸影啲相靚過公公, 起碼唔檬..KEKE

出發!!

前一晚我有同大爺講, 學游水好似返學咁, 要乖乖聽教練講
唔係自己玩, 如果佢想玩水, 我放假同佢去!!
學游水就要專心上堂~~聽教練指示

 

叫大爺爸記得搽塊面, 佢就突登影呢張相俾我睇
係啦係啦~~知你有搽啦!!hahaha

帶好泳帽, 泳鏡, 準備好喇!!
好鐘意教練送呢頂泳帽, 有對眼仔好得意~

大爺爸呢張影到好
影到大爺笑住踢水

今堂好叻仔!!
一路浸塊面落水, 一路踢水!

大爺爸話佢今堂好專心呢~~唔知係咪想表現俾dad dad睇XD
公公知道左就話大爺虾佢~kakaka

教練會拎支數字捧放落水底, 叫佢地潛落水睇下咩數字
之前兩堂大爺連鼻尖都未掂到啲水
今堂佢就肯潛落去喇!!yeah~~~

今堂進展相當唔錯啊!!!