[放暑假2016] ANIMAL FRAM@Ludus Club

30 JUL 2016 
[[ LUDUS CLUB ]]
 ANIMAL FRAM生物科學體驗營

大爺今日經歷左一個難忘既珍禽異獸之旅!!
平時只係o係電視睇到, 大爺今次可以近距離親身接觸到

其實今次多得我boss, 我地先有得睇咋~~~
係佢請大爺同啷啷細佬去睇既, 媽媽我真係唔捨得俾錢去睇
因為對我黎講都貴XD, 唔使錢既我地真係睇得特別開心WAKAKAK

呢個animal fram分3節既, 一小時1節, 每一節都唔同類既動物
本身我地淨係揀睇第三節爬蟲類既, 夠刺激啊嘛~~WAKAKA
不過boss話可以睇晒, 所以我地緊係唔蝕睇晒三節啦XD

第一節: 兩棲類動物
亞馬遜石頭龜, 真鱷龜, 非洲牛蛙, 美西螈...等..等..

娃娃魚

睇大爺個樣就知佢.........好投入啦XD

非洲牛蛙

姐姐會俾足夠時間每個小朋友接觸, 又會一路講解, 但大爺可能聽唔明XD
姐姐又會問下邊個想試抱下
大爺勇敢嘗試抱完, 姐姐就讚佢good job!! well done!!

全程都係呢位哥哥用英文講解, 所以我啲英文咁屎有啲係聽唔明架XP
大爺就繼續扮聽得明, 仲係咁舉手, 可能佢以為哥哥問邊個想摸
最搞笑係啷啷, 係咁叫佢放低手, 話大爺舉係要答問題架, 唔係叫你摸啊...哈哈!!

哥哥拎住呢隻龜殺傷力太大, 所以唔會俾我地摸
呢隻龜可以咬斷我地啲手指仔架..

呢隻就善良得多啦~~haha, 輪流餵紅蘿蔔

呢隻龜好乖, 所哥哥叫晒啲小朋友出地下一齊圍圈睇, 同餵佢食野~

第二節:捕乳類動物
非洲四趾刺蝟, 蜜袋鼯 ,鸚鵡...等..等...

兔仔好乖,伏係度任佢地摸

呢隻啲毛勁滑, 好軟熟架~~不過佢勁甩毛.XD

呢隻走得好快架...成日都係哥哥姐姐身上爬黎爬去!!
睇睇下大爺仲見到佢係樹枝度痾啲好細粒既poo poo~~
呢個大爺大驚小怪咁大嗌"啊~~~~佢痾poo poo啊~~~"

我好鐘意呢隻刺蝟仔, 好可愛啊!!

鸚鵡

第三節: 爬蟲類
捕鳥蜘, 美洲黃頷蛇, 美洲蜥蝪王...等等...

呢一節真係必睇, 夠晒刺激, 夠晒精彩架!!HAHA

佢地似唔似猜緊麵團..XD

當大爺同啷啷掛住好興奮摸緊條蛇尾時........

大爺爸同哥哥靜靜雞推個蛇頭去大爺塊面度整蠱佢WAKAKA
大爺被嚇倒仲保持笑容!!

呢一節爬蟲類真係必睇啊, 睇下佢地啲表情己經夠笑死我!!

大爺控到咁埋, 好似同條蛇蛇好friend咁喎!!

哥哥話呢條較敏感, 所以唔會放落枱黎俾佢地摸

掂下先

睇大爺好似明姐姐講乜咁, 姐姐講乜佢都笑晒口咁既???
大爺爸仲話大爺係咁同姐姐講野, 一個講廣東話, 一個講英文wakaka

蜘蛛啊~~~
睇啷啷個樣就知佢真係好驚蜘蛛wakakaka

呢隻蜘蛛唔可以抱住, 因為佢咀度有鈎鈎, 驚鈎襯啲小朋友
不過就可以摸下佢背部!!

點解呢節必睇, 因為可以放條蛇落條頸影相
輪到大爺時, 佢係驚既, 不停話唔使啦, 唔影啊...
不過大爺爸話陪佢, 佢都肯俾姐姐放條蛇落頸

我都想一家三口合照,所以我又埋去影!!
但我坐錯位囉, 坐左係蛇頭個邊...我其實都好驚架~~~
所以我就捉住佢個頭..我驚佢郁郁下郁左去我塊面度!!XP

重頭戲係呢隻大蜥蝪王

蜥蝪王好乖,坐定定係度俾我地輪住影相

完左場, 佢兩個又走去同蜥蝪王玩

之後我地又去搵返條蛇蛇, 我叫大爺不如同條蛇蛇影張單人照
佢又肯喎, 乖乖埋去姐姐度 (我諗住佢會走鬼左去唔彩我添)
雖然都係驚, 但佢鼓起勇氣去試

 大爺今日既表現, 出奇地乜都肯試乜都敢去做
真係出乎意料之外, 我同大爺爸未去前諗住佢實驚, 可能唔敢掂
所以我今日讚左佢好多次叻仔同好勇敢~~kakaka