[放暑假] 游水 -- 閉氣大進步--

點解大爺學游水先黎打風??打完風又雷暴???
己經有3堂都係咁.....唔通連個天都唔鐘意大爺學游水??
下星期又話落足成個星期=.=!!
即係...淨返半個月既暑假, 先學左3堂囉, 好彩教練話有得補返

所以呢家放假一見無落雨, 就晨早帶大爺落去游返轉先

呢日有珍珍表妹啊!! 

  兩表兄妹好有蕉氣XDDD

學左游水之後, 我同大爺講, 以後去泳池都唔可以用水泡啦,
只可以帶手袖同浮板

水泡係佢最愛黎架嘛,佢緊係有問我點解唔用得
我解釋佢知, 因為大個仔, 學游水唔使水泡, 唔用水泡游得自由啲, 又可以潛落水睇野
嗯!!!佢聽完都好樂意接受.....((實在太好啦))

今日佢終於met甩左佢最愛既水泡, 第一次係深水度用手袖游水

初初佢都驚驚地, 游游下慣左就不停游黎游去

**************************************************************************************

剛過去既星期六,等埋大爺爸放工落去游水水
yeah!!一家三口去, 有大爺爸睇住大爺, 我就有得游啦wakakaka

淘左個防水套, 掂!!無入水
((之前浸左佢成晚無入水, 我先夠膽用XD))

我同大爺爸扮晒玩尋寶遊戲, 潛入水搵啲細石仔當寶石,
諗住引大爺玩, 想令佢潛落水潛得更加耐 
大爺見我地玩, 佢又話要玩, 仲玩上癮!!成功令佢愛上左潛水

仲扮鯊魚捉我添啊!!

我見到佢今日大進步真係好開心!!! 

仲同我地講, 潛水可以睇到水底, 睇到好多野架~~

兩父子暢泳幾咁溫馨

不經意地chok左~有唔有型??

玩到泳池完場, 大爺都仲話想再潛~
好啦, 再好天就又去游啦~

返屋企途中不停淋花XD

大爺: 咪郁啊~