[泰好hea] 布吉DAY 3 出蛋島(半日) >>回酒店游水>>Kamala Beach玩水

01 NOV 2016

[泰好hea] 布吉DAY 3

出蛋島(半日) >>回酒店游水>>Kamala Beach玩水

今日全日都係圍繞住水XD

由於我地住唔近巿中心, 所以一早係香港己經book定左出島

我地近近地揀左蛋島半日, 搭20分鐘船就到達喇!

好彩揀左去半日蛋島, 今日天氣真係好差, 一早起身啲兩落唔停

雖然天氣唔好, 大家都有啲失望(我同大爺爸) , 但大爺就好興奮啊

因為佢想搭快船好耐..haha!!

出發!!

我地半日都有行程架...但我唔記得啲島名..haha

首先去左個xx島, 之後上返船, 去海中心浮潛, 再去另一個xx島

((好明顯我無留心聽講解, 大約係咁啦....))

去到, 大爺爸話去左另一邊睇魚魚先~
但大爺見到個沙灘咁靚就想去玩沙先, 講左一陣先肯屈服去睇魚魚
睇魚魚個度好鬼大浪啊!!! 啲浪come過大爺個頭...唔可以行咁出~

大爺爸係要大爺潛落水睇下啲魚仔
但大爺有啲驚, 同埋成日有浪come埋黎, 所以都唔肯潛落去
um....大爺爸就開始勞氣喇, 覺得大爺做乜咁細膽
我呢啲慈母緊係心痛個仔, 做乜要迫佢潛落去睇啫~~咁大浪...咪由佢望下咪算囉..

其實企喺度都好多魚魚游過黎都幾過癮~

終於肯潛幾秒

大爺:" yeah, 終於有得玩沙沙啦"

無朋友一齊黎, 好少影到一家三口相

掛住玩沙費事理我地!!好鬼忙~

有妹妹一齊玩

好彩出到島無乜落雨, 但無藍天白雲囉!!可惜可惜~~
唯有安慰下自己, 咪好囉, 唔使曬到爆

夠鐘上返船, 去浮潛喇!!
天氣唔好又大浪, 我地無俾大爺落水!!
大爺爸自己落去潛左一陣

大爺搵大爺爸中....

見到喇!!

係咁嗌"DAD DAD~~~~DAD DAD"

隔離個妹妹餵魚仔, 大爺又話想餵
好彩食早餐臨走拎左個包仔黎, 可以俾佢掉去餵魚魚

一掉啲魚魚一湧而上, 好多魚魚啊~

浮潛完就去最後一個島喇!!

兩父子好浪漫, 喺沙灘你追我, 我追你...

開心仔!!

好喇!!回程~
呢個小朋友主動問叔叔可唔可以坐船頭~~
叔叔話可以, 開心得佢, 仲要一路坐一路好興奮怪叫
因為好似坐緊大飛咁, "登"下"登"下好刺激~

返到酒店!!我地話沖完涼去食lunch~~
當我沖完涼佢又話想落泳池游水=.=, 仲話唔肚餓~~
無理由唔肚餓架, 我地唯有拎晒啲杯麵薯片出黎食..
呢條友仲話要好嘆咁係露台食!!

食左啲薯片同粥, 杯麵都未整好, 就急不及待要換衫落水

驚佢餓又塞佢食啲麵, 你話佢幾咁疏干啊~~有人服侍佢!!

佢地父子真係玩得開心, 我就沖完涼懶得再落水..

大爺為駁阿仔一笑, 扮跌落水, 大爺笑點咁低緊係笑到碌地啦..

仲任大爺舞XD, 己經淋左唔知第幾次~

玩到咁上下, 記得reosrt一出就係沙灘, 我地就拎啲輕便行裝行出去
果然, resort有條小徑一出就係, 行幾分鐘就到, 好方便..
沙灘仲有2間massage係度..wakakakaka, 我個心暗暗高興XP

大爺顧住玩沙, 我同大爺爸就自拍下搵返下拍拖既感覺先XD

呢度無乜人, 又靜, 沙又幼, 真係好正!!!

得到大爺爸恩賜, 我獨個兒去左附近massage下先
對住個海, 有啲涼風吹下吹下, 真係好正!!!

歡樂既時光好快就完, 好想按多part, kaka
不過我太掛住佢地, 當然得個想字啦~~

按完己經日落啦!!

大爺爸係度堆沙, 大爺同架船就去衝浪~

等浪的小朋友

似唔似兩父子包左個沙灘?

返去梳洗完大爺又拎住筒薯片食

突然醒起喺香港畫定左張生日晝俾大爺爸
喺今日正日送俾佢!!!
HAPPY BIRTHDAY TO DAD DAD !!!

夜晚我地喺返resort餐廳食!!
小朋友有free buffet~其實好多都岩我同大爺爸口味
佢啲薯條, 牛肉漢寶, 雞肉串燒都好好味...生果, 意粉, 飯, 菜等等...
有好多唔同既選擇, 估唔到小朋友既free buffet都豐富~
我同大爺爸另外都係嗌左2樣己經飽晒XD

YEAH!!大爺爸既生日飯好抵, 百幾蚊港紙咋..HAHAHA!!

呢度日都有唔同活動俾你JOIN
夜晚就有呢個俾小朋友睇, 一齊參與, 又跳下咁..
大爺都好ENJOY~

真係大部份都外國人, 無強國人既地方真心舒服!!