莊大爺DAY 3@醫院

23 MAR 2012

DAY 3 @醫院

尋晚同莊大爺玩左成晚，佢完全係食完無耐又要食

我真係俾佢玩死。。。終於成三點幾我真係頂唔順，

因為我己經連續餵左佢三個鐘佢都係唔飽咁，

仲要不停痾Ａ，一痾Ａ又要換片！

出左去搵姑娘話要補奶粉，

姑娘好好，見我得返半條人命幫我餵埋佢，

餵完俾返我，但佢無耐又喊，拍激都係喊，

個姑娘就入黎推走左佢。。

我就終於可以休息一下。。。我真係投降！！！


朝早六點幾推返俾我

又開始餵奶生活，到十點幾推去沖涼我又可以休息一下。。

ｏ個時心諗，沖涼啲啦，　唔使咁快返黎架！！哈哈！！


到晏晝探病時間

爸爸要返工，夜晚先黎！


次次一到探病時間佢就好乖，唔喊！

真係識扮野。。

一出世就蝦媽媽。。


婆婆抱抱。。岩喇，有人黎我又甩難喇，可以休息返一個鐘



公公幾開心！！第時就係公公湊你架喇！！




探病時間過左，我又回復返奶媽身份，

餵奶換片餵奶換片


今日又係未出得院，莊大爺份報告未出，

都唔知點解咁耐都未出！唉。。明明尋日又話我應該可以出院，

今日又話未得。。

希望聽日可以出院啦。。。好掛住屋企張床啊。。



夜晚探病時間，爸爸終於黎喇！！！

嗚。。。。我都好掛住爸爸。。。。。

好唔慣訓醫院！！！



阿大爺唔多想爸爸鍚咁ｂｏｒ！！！



探病時間過得最快