24 MAR 2012
莊大爺DAY4@醫院 + 媽媽出院
尋晚又係奶媽生涯, 真係無訓過, 己經三日無訓過喇..
攰到講野都無力
醫生黎檢查我不停問佢係咪今日出得院.
佢話晏啲幫我抽埋血就可以出院..
=.=晏啲, 晏到幾時???
好想快啲走啊....
不過晴天PIG PIG, 阿大爺今朝CHECK完, 黃疸唔PASS,
要即刻拎去照燈
哎吔, 點解啊, 無得同媽媽一齊出院...
仲要唔知照幾耐...
到下午三點幾, 醫生黎院抽血我就可以走,
即刻叫阿比黎接我走...
不過我當日返到屋企, 反而想訓返醫院,
因為奶奶成家黎左我屋企, 仲上黎煮飯食!!!
煮就返屋企煮, 上黎煮做乜鬼啊
唉.................我一心諗住返屋企可以沖涼洗頭
好好休息下, 點知成家上黎都唔知做乜..
咁我點休息呢???
即刻心情急轉直下, 衫都無換我就訓左落床
叫左阿比同佢地講我攰得滯, 唔食飯..
一訓落床就喊喊喊喊喊..
點解返到屋企都無得休息, 成棚一上晒黎做乜...?
喊到訓著左
醒左聽到佢地O係出面食緊飯...頂, 仲未走.....
我又喊喊喊喊喊..
咁辛苦3日無訓, 仲上黎阻住晒....人都癲啊!!!
終於等到佢地走左, 我先起身食飯,
阿比見我勢色唔對勁, 問我咩事,
我咪喊住講...((應該嚇襯佢))..
講完舒服晒, 起身食飯...沖涼洗頭又再訓過...
2012年4月5日 星期四
莊大爺DAY4@醫院 + 媽媽出院
訂閱：
張貼留言 (Atom)
辛苦得滯所以喊 ?你有無請倍月/ 叫你屋企人幫手, 坐月休息多d, 只係餵奶外, 咩都唔好理啦 !
回覆刪除[版主回覆04/08/2012 19:58:33]食飯有屋企過黎煮, 但當一個人既時候, 又無覺好訓, 真係好想喊...
好彩我老公好肯幫手, 佢放工返黎就幫手沖涼換片,做家務....
[Bu媽回覆04/06/2012 00:12:50]無倍月照顧加新手媽媽我估人都癲 ~
你搵個人照顧你d飲食, 唯有自己睇番bb, 不過唔好同佢沖涼住, 又濕水又要烏低身唔係甘好 ~
[版主回覆04/05/2012 13:40:23]係啊, 因為3日無瞓, 諗住返屋企可以RELAX下, 點知奶奶成家上晒黎...突然間好負能量..
我無請陪月啊, 我自己換片, 餵奶, 因為餵人奶, 真係無覺好瞓....仲要佢食完就痾, 我不停要換片.....真係人都癲啊...換片都慘過餵奶...
恭喜恭喜！做媽媽真係好辛苦喔..呵呵..有你老公鍚返就冇事啦~~
回覆刪除[版主回覆04/05/2012 13:41:26]我呢家先知係咁辛苦, 尤其做奶媽..
係啊, 好彩我老公好體諒我.....佢都知我生完易有情緒問題...
抖返下會好D嫁啦～～ 有咩就發洩落阿比到啦～
回覆刪除[版主回覆04/08/2012 20:00:26]圓圓, 你狂嘔做乜mr ho頂唔住啊? 因為佢要照顧你起居飲食同做家務??
阿比己經好好, 見我唔開心話下次唔叫奶奶佢地全家上黎...仲話最緊要我開心..
gen, 我呢家餐餐都埋身餵, 我諗我餵到滿月, 就要轉奶粉, 因為遲下返工俾公公湊, 要開始轉返做奶粉lu...
[Gen回覆04/05/2012 18:13:54]搭咀，最好埋身呀...不過太辛苦唔好免強～ 加油。。。同埋，relax！！！！！ 開心返呀
[圓圓回覆04/05/2012 13:54:01]唔怪得你叫我同MR HO要珍惜而家嘅日子......
之前我狂嘔，MR HO已經頂唔住，第時阿B狂喊唔知佢咩樣？？
有無屋企人可以幫下手，PUM定一兩餐出黎，交俾屋企人餵，你可以抖一抖～
奶奶0個邊叫阿比反映下，因為而家先係開始～
[版主回覆04/05/2012 13:43:28]HEHE..阿比都好慘啊, 每晚訓得四個鐘就要返工, 放工返黎又要幫手洗野.....
不過我喊完會舒服啲...只要阿奶奶唔好成日上黎我就無負能量....
有時啲老人家都真的幾煩架，有咩唔開心一定要發出來，唔好屈住呀！你咁攰都寫blog好叻！加油呀，支持你
回覆刪除[版主回覆04/08/2012 20:01:16]我本來想忍住唔喊, 但都忍唔住, 以前我真係好少喊....
阿比叫我寫下blog, 舒發下會開心啲喎..哈哈..
想休息但成棚人嘈生晒又真係幾煩幾無奈.......但喊晒出黎舒服d都好!!!
回覆刪除[版主回覆04/08/2012 20:01:34]喊完舒服晒架真係, 屈住仲辛苦....
生完BB情緒係波動D,我聽個個都係咁講~
回覆刪除有咩就發洩晒係老公度啦,唔駛比面ga~~
希望bb快d照院燈返黎陪你啦~~
[版主回覆04/08/2012 20:04:58]我真係好波動, 負能量超標........唔怪之咁多人話好易產後抑鬱啦...
我呢家終於明白..
不過今日心情好返少少, 因為阿比放七日大假, 幫手湊bb..
我都覺得係又唔係探你, 冇神神成家人上嚟煮飯, 醒d都返屋企費事比嘈住你la。
回覆刪除Anyway 好好休息love !!
[版主回覆04/08/2012 20:05:34]我o個日出院真係好唔開心, 入左房喊住訓著左, 希望佢地唔好再成家上黎煮飯...
多謝你啊, 我會好好休息架喇!!
我都唔鍾意老人家上黎，好有壓力。
回覆刪除不好唔好意思講，所以惟有同老公發脾氣，再由佢把口講
[版主回覆04/08/2012 20:07:36]老人家太多野講, 成日講啲野出黎又唔思考下....亂咁up...
E~~~~~好討厭呀！你好心煮飯比你食咪一個上嚟囉！成家人走上嚟把托咩？！佢地可能諗住睇Bb ar!!!! 好在我回媽媽家坐月，至少唔會見到男家啲人！你有咩唔開心要講出嚟呀，唔係有抑鬱呀，take care
回覆刪除[Kuromi回覆04/08/2012 20:35:07]你長開一啲你鍾意嘅歌／開住電視冇咁靜都會好啲。你一覺得唔開心就要打比老公傾下計，唔好鬱住呀！雖然我話有媽媽幫手但到時一樣人有其他問題加埋自己情緒改變，我都有心理準備自己會亂發癲
[版主回覆04/08/2012 20:11:34]你去媽媽度坐月好好多, 起碼平時有人幫下手...
我老公返左工, 得我一個湊bb, 可能辛苦得滯, 又屈住o係屋企, 所以心情唔好....
宅媽咪:
回覆刪除你好快會瘦過做女時.
[版主回覆04/08/2012 20:13:12]真係啊, 我呢家輕到去未有bb之前既重量..
喂！k ma , 我阿嫂生完都同你有同樣感受，喊到傻左，要發洩就岩架喇！唔好收埋收埋呀。加油呀靚媽！
回覆刪除[版主回覆04/08/2012 20:15:41]你阿嫂都係咁, 唉...可能坐月唔出得街, 成日係屋企, 個人屈住屈住...
我會加油架喇, 我今日心情都好返啲架喇, 黎緊老公放大假,有人幫手應該心情會好返....
喂！k ma , 我阿嫂生完都同你有同樣感受，喊到傻左，要發洩就岩架喇！唔好收埋收埋呀。加油呀靚媽！
回覆刪除我都唔明點解d人要咁做? 知唔知生完要休息??????? 好忟!!!!!!!!!!!!!!!!!!!!!!!!!!!!!!!! 我代係忟好啦, 你唔好忟啦, 盡量叫老公叫人唔好上o黎住啦! 個時bb未夠12朝又係有人上o黎抱bb, 攪到bb扭左好耐計......呢d野, d人真係要識做先得架.....唉.........
回覆刪除[版主回覆04/08/2012 20:19:24]我老公唔識點推奶奶, 我之後喊住同佢講, 佢己經話下次唔再叫佢地上黎, 我唔鐘意就唔再叫....
真係好慘...比著我我都會喊架...
回覆刪除仲趕佢地走又做唔到 T.T
[版主回覆04/08/2012 20:20:08]我趕唔到佢地走, 所以一返去即入房訓.....費事對住佢地....
你做左3月媽媽~恭喜你啊！其實個個奶奶都係咁。。。唉！ 好好休息，祝BB 身體健康、快高長大
回覆刪除[版主回覆04/08/2012 20:20:36]係啊, 我返返下工bb就要出黎, 做左3月媽媽lu!!!
喊完未呀你.....嚇c人咩~~~
回覆刪除你幾時返工呀? 想搵日入黎踩場喎~~不過遲少少先~~
[版主回覆04/10/2012 18:57:30]喊左幾日咁啦, 呢家阿比放大假心情好返啲喇....
真係攰到想屎啊..............遲下轉奶粉應該好好多.........
我6月1日返工喇....
咁既環境又真係好忟又委屈呀~!!!
回覆刪除辛苦左幾日都無得抖又有成掤人上黎阻住~~~
你老公見你喊一定嚇親佢~!!! (我都嚇親呀~~你知啦~你平時係開心果咁架麻)
下次你老公一定識做了~!!
[版主回覆04/10/2012 18:58:20]佢呢家好識做喇, 乜都問左我先, 驚我唔開心............
+++++++++++++++++++++++++++++++++++===========> 收到未???????
回覆刪除姐姐錫返你!!!!!!!
[版主回覆04/10/2012 18:59:26]收到收到, 我會加油架喇!!!
你奶奶真係好玩野.......成家人上嚟開大食會!? 想睇bb點解唔之前去醫院探你呢??
回覆刪除不過喊完無事就算喇, 唔好記住屈住呀~~最緊要你有阿比錫番^3^
by笨豬小慧simple
[SimpsonSimple回覆04/14/2012 11:22:51]都可以整好拎上嚟卦....唔洗成家上嚟即場整卦.....=.="
[版主回覆04/10/2012 19:01:30]可能佢想整餐好既我食掛, 但時間錯晒....
黃疸唔PASS.......放心好快無事!!!
回覆刪除[版主回覆04/10/2012 19:01:00]呢家退左喇....!!yeah..
你沖涼洗頭有無用薑皮??
回覆刪除[小beebee回覆04/11/2012 14:39:55]你用水沖涼後先再用薑水抹身?? 唔係一開始用薑水沖涼嗎??
[版主回覆04/10/2012 19:01:38]沖涼後有用薑水抹身..
無陰公呀真係, 你奶奶生過唔知要時間俾你休息架咩, 好慘慘呀你>.<
回覆刪除[版主回覆04/10/2012 19:02:34]明明佢黎醫院探我時我己經話3日無訓過, 我都唔知點解要上黎煮飯...嗚...
我都同你一樣case...第一日番到家想c.....屋企人番哂黎..仲要勁入房要睇bb,,留到勁夜先走/.個時覺得自己勁慘
回覆刪除[版主回覆04/28/2012 13:46:39]我都唔明點解佢地唔可以第二日先黎。。。
ｏ係醫院己經無得休息，返到屋企都一樣咁多人黎， 真係想死！！
辛苦你~諗住返到屋企就自由，但又有人阻住~><~
回覆刪除[版主回覆04/28/2012 13:47:43]如果係自己阿媽都可以話， 呢家係奶奶又唔話得佢喎， 真係好慘。。。