莊大爺DAY 5回家度假 + 救命水泡

25 MAR 2012

尋晚沖完涼食埋飯瞓左一晚靚覺, 成個人精神晒!!

但可能一日無餵人奶, 個胸又脹又痛,

即刻叫阿比落街買個奶泵返黎

但個奶泵唔係太得, 泵唔到, 反而用手吱出黎仲舒服又多啲..

本來諗住吱定出黎一陣晏啲去探莊大爺既時候餵佢..

點知一點幾醫院打黎話可以帶莊大爺返屋企度假一天, 第二朝九點要返去CHECK


聽完電話好興奮, 即刻叫阿比換衫去醫院

爸爸媽媽黎喇...


7K病房, 入面好多BB, 全部都係照緊燈..



莊大爺可以跟我地返屋企, 無比興奮!!



面黃都正常返, 但都仲有黃,

聽朝9點再返黎CHECK下有冇標升..



走喇走喇!!!YEAH!!!!



返到屋企仲瞓緊,

醫生話BB要準時食奶, 食得多痾得多, 啲黃先會退..

媽媽好擔心啊, 希望我夠奶俾你食啦..



夜晚公公婆婆黎左...

好細粒啊, 我要谷肥你先得....










由於個傷口仲未好, 坐係度好痛..

買左個小童水泡坐, 好後悔o係醫院時唔買個坐...

真係舒服晒!!!順產媽媽如果傷口痛記住買個水泡黎坐

真係好好多!!