21 JUN 2012
大爺三個月喇!!!
三個月既大爺, 肉多左 (大家都應該睇得出)
成日要人地望住佢, 連瞓覺都開左一條線既眼黎昅住我
同埋成日撩人講野
不停係度嘰嘰咕咕唔知講乜鬼
我唯一聽得最多係"阿BU"........成日係度"BU""BU""BU""BU""BU"...
BU到近排成日落雨@@
越黎越多反應同表情, 越笑越誇..
真係見到佢啲表情, 明明佢扭緊計整炆我, 我都俾佢
o係大爺3個月前既一日, 即係20號
返返下工, 公公send左段片黎話大爺識轉身
((我唔識點整段片放blog度))
段片睇到大爺自己好努力, 好努力咁轉
公公話見佢咁辛苦, 諗住幫佢一把, 點知一幫就喊
一放返佢係度又唔喊, 要自己轉!!
轉左3分鐘終於成功左
自從呢次之後, 大爺越黎越識轉, 越轉越快
連換片時都想轉
不過佢轉左落去, 係唔識轉返上去
好似呢幅相咁, 轉左落去, 佢個頭就申到好高, 仲定左係度好耐
唔知係咪諗緊辦法轉返上去呢???!@@
左望望右望望, 隻手隻腳又不停郁, 可能係想轉返上黎
點解咁好力 , 可以定係度咁耐???唔攰既咩??
見佢死不敗休咁, 真係好好笑
成隻肥青蛙咁young下young下咁..好過癮!!!
2012年6月26日 星期二
3個月 - 識轉身
訂閱：
張貼留言 (Atom)
大爺對腳好好肉哋呀! 佢食邊隻奶粉ga?
回覆刪除[版主回覆06/28/2012 12:58:37]佢食思敏兒啊...............
超可愛呀!!! 3 個月就識轉身...仲抬起頭仔咁耐~~強呀!!!!
回覆刪除[版主回覆07/04/2012 15:43:16]多謝~~~~~我都諗緊佢枱咁耐唔攰既咩?
真係越黎越好肉地喎...
回覆刪除bb識轉身仲要睇緊d呀...
[版主回覆07/04/2012 15:42:43]係啊, 呢家一眼都唔夠敢離開佢...
叻叻啊~~ 條頸都拱有力~
回覆刪除[版主回覆07/04/2012 15:42:23]佢枱得耐, 我都驚佢條頸受唔住...
happy 3 months 喇～～
回覆刪除我又要咬佢脾脾喇
[版主回覆07/04/2012 15:41:49]多謝!!!佢個肥脾真係好正...
真係想咬完再咬呀!!!!!!
回覆刪除[版主回覆07/04/2012 15:41:25]你快啲再黎探佢啦, 佢又肥左喇~~~
佢真係好得意呀~~~~~~
回覆刪除[版主回覆07/04/2012 15:41:02]嘿嘿...mc win話你特別鐘意肥bb喎..........
超得意呀~~~>w<
回覆刪除[版主回覆07/04/2012 15:40:03]thanks.
好叻叻啊...你個b真係好肥美，你餵媽媽牌 / 奶粉?
回覆刪除我估囝 80日喇....抬頭都未抬得掂，宜家又學人打側身 @@ .... 唔知佢想點想咩
[版主回覆07/04/2012 15:39:49]我第2個月開始餵奶粉喇~~~
打側身之後就好快轉身喇, 你個囝囝都快喇~~~~
好肥美,好得意
回覆刪除[版主回覆07/04/2012 15:38:25]thanks
我仔都係,學識轉身後,無論換片,沖涼都想轉,無時停....
回覆刪除[版主回覆07/04/2012 15:38:13]嘩,哈哈, 呢個時候真係要睇實佢..........
叻叻!
回覆刪除[版主回覆07/04/2012 15:37:16]thanks>
愈黎愈肥美啦
回覆刪除[版主回覆07/04/2012 15:31:02]係咪想咬啖佢呢~~~
叻仔大爺呀......好肥美既大爺呀........
回覆刪除[版主回覆07/04/2012 15:29:35]我都覺得佢好肥美..........希望佢大個既時候唔會keep住呢種肥啦...
好得意呀！我都想快啲三個月呀！
回覆刪除[版主回覆07/04/2012 15:29:23]啲時間過得好快, 你個b都好快三個月架喇!!!
叻叻wor
回覆刪除大隻仔左好多呀
[版主回覆07/04/2012 15:27:50]好鬼多肥肉啊佢....個個都想咬佢一啖...
大爺周身肉~~~好味
回覆刪除bb真係大得好快, 咁就3個月............仲要識轉身!! 應該好快識爬識行識講野
by笨豬小慧simple
[版主回覆07/04/2012 15:27:28]識爬就頭痕喇, 要無時無刻望住佢...
佢呢家成日講bb話, 好鬼長氣...
好攪鬼~第一張相同爸爸成個餅印咁~
回覆刪除試下放左上YOUTUBE 先喇~ YAHOO 果個好難用...
[版主回覆07/04/2012 15:26:39]個個都話似爸爸...
已經識轉身，叻叻~
回覆刪除[版主回覆07/04/2012 15:27:00]如果識得轉返上去就更加另喇..
識轉身，叻叻!!!
回覆刪除