((BIG YEAH)) 興奮遊迪迪尼

7 JAN 2014

對上一次同大爺去迪迪尼係佢一歲既時候

o個次仲細, 未o係好投入, 見到翠絲仲爆喊,差啲俾佢扯爛我件衫

今次21個月再黎, 出發前幾日己經同佢講定會去迪士尼

佢第一個反應: "有高飛??米奇妙妙屋??"

我就同佢講, 係啊, 仲有toystory入面巴斯, 胡迪o個啲

然後o個幾日不停同人講去迪士尼=.=!!

今朝出發落到樓下, 看更姨姨問"嘩,咁早出街嗱?"

大爺一聽到就話"去迪士尼啊, 巴斯啊, 拜拜,下次見"跟住就走左出門口

看更姨姨見佢未講完就走左出門口都忍唔住笑佢"咁心急"

終於黎到喇!!YEAH!!!

第一時間大爺近排最愛之一, 高飛影相...WAKAKAKA

由於對上一次大爺見到啲公仔喊爆, 今次我一路留意住佢

覺得佢都緊張, 但又好彩無喊

影完走開左就即刻話"驚驚"XD

上次黎大爺淨係玩左彈弓狗

所以今次全部對佢黎講都好新奇~

玩三眼仔射槍槍完全係被入面啲野迷住左

狂叫佢拎支搶玩都唔理我, 結果我一個人射晒兩枝槍..XD

乜都搞一餐

排巴斯既時候, 大爺又按耐不住, 成日走去搵巴斯

O係巴斯面前不停嗌"HELLO巴斯, HELLO巴斯"

但一排到去, 巴斯搭住佢影相, 佢又硬晒唔呔唔郁

巴斯光年, 一飛沖天

後尾我同大爺爸一齊影佢就定啲喇, 肯拖住巴斯

每玩完一樣都話好好玩

必影景點, 黎張一家三口合照先!!

大爺: 好開心啊

YEAH!!!!

呵呵呵呵

好嬌俏啊大爺WAKAKAKA

迴旋木馬, 上次去海洋公園大爺玩得好開心

今次都唔例外!!

睇相, 初初以為兩隻手都係我

睇真係, 原來有隻手係大爺既XD

好喇, 醫下個肚先!!食飽粥既大爺, 仲食左半個餐

食飽又玩過!!!

大爺一路玩小飛象一路大嗌"媽媽~~啊~媽媽~~~啊"=.=!!!

仲發出啲怪尖叫聲

原來大爺爸不停將佢飛高飛低, 搞到佢咁興奮

咖啡杯, 初初大爺起勢轉

轉轉下自己坐左係度, 唔知係咪暈呢?HAHA

差唔多時間睇巡遊喇!!

買隻雞脾嘆住等先...

等等下大爺己經話好眼瞓喇!!

仲啜埋手指..

開始喇!!!!

見到高飛怕羞想走XD

睇得好投入

睇完見佢仲未瞓即刻同佢去TOYS STORYLAND喇!!!

~飛吻~

快啲啦媽媽, 仲影...

又玩"喱埋"...係度捐左好多次

大爺睇完toystory己經記得晒入面啲人物

今次黎迪士尼佢真係好投入

見到三眼仔仲主動話要影相

好鐘意呢度, 全部都好靚好得意

呼~~呼~~呼~~

著到黑沉沉既兩母子

睇大爺爸好似好輕易, 但我試過都做唔到呢個動作XD

百厭仔!!!

~WOW~WOW~

入到舖頭見佢周圍走, 原來佢又搵佢睇中個pack車車

一見到就話"搵到啦", 仲拎住自己走左去收銀俾錢=.=!!!!

姐姐問佢, 有冇錢啊

佢答"無錢啊", 無錢學人買野, 衰仔!!!

當然, 我無買俾佢啦, 因為我覺得呢三架車車唔靚XD

臨走見到胡迪翠斯又係返度

即刻排隊先..WAKAKAKA...O係邊度跌低就O係邊度企返起身

上年爆喊, 今年要克服

最後...佢俾我地掉低自己同胡迪翠斯影相

佢又定晒格, 郁都唔郁, 仲超住我添..WAKAKAKA

影完一走開佢就話"軒軒叻叻"

真係好好笑!!!!唔通連佢自己都覺得係度克服緊

有唔有型???

大爺:媽媽變左怪獸啊, 救命啊~~

最後玩埋呢個馳車天地

排左半個鐘, 大爺不停話眼瞓,眼瞓

但佢又唔瞓喎, 可能知有得ja車車, 終於俾佢捱到玩

大爺爸俾佢坐司機位

玩完問返大爺爸, 佢真係好開心, 不停扭軚..XD

六點幾, 諗住等到睇埋煙花先, 咁就去餐廳食個DINNER先

點知大爺食食下薯條就迷暈左

@@今次又睇唔到煙花~~

結果又係瞓到返屋企都無醒, 幫佢換埋衫抹身就瞓到第二朝

總結: 今次大爺真係玩得好投入,勁開心

((我覺得因為佢之前成日睇米奇妙妙屋同TOYSTORY,

入到迪迪尼全部都認識既, 所以特別投入開心))

玩完真係心思思想買年票囉><