[[BIG Yeah]] 大鄉里出城@香港公園

11 JAN 2015

大爺爸連放孖DAY, 當然我又好好把握機會啦..
今日表姐結婚, 要出CWB觀禮
好耐無出咁遠啦, 同公公婆婆飲埋茶就一齊出發
我地搭巴士出到灣仔,見有時間轉架叮叮去CWB
俾大爺搭下叮叮開心下嘛..

大爺上身, 人如其名
我真係無幫佢改錯名XDDD

有公公o係度,影返多啲一家三口照先

觀禮由1:45, 到4:00左右先完
大爺坐左兩個鐘, 終於開始扭要出去
大爺爸仲要不停忟佢做乜坐唔定, 於是我就帶大爺出去
出到去原來好多小朋友己經出晒黎, 枉大爺爸仲不停係度話大爺
((其實觀禮又唱聖詩, 又聽好多人上台分享, 又講經文,
一個小朋友坐左成兩個鐘又無野玩, 坐係度, 真係算係好乖,
講真我都好小小悶, 唔知大爺爸做乜要忟佢=.=))


觀完禮,橫掂出開黎, 就去埋香港公園玩下先
一話去公園就開心到咁!!放監啦...

突登影呢個噴水亭影相!!
以前大爺媽細個, 公公都係帶我黎呢度玩架..

我地影完入去啦...大爺就損左個頭落大爺爸件褸入面..XDD

成功!!!行左一圈就出返黎

叫佢企定定影張相, 佢就咁....

最古怪既係, 佢主動話要同呢兩位姐姐影相
己經行過左, 無端端要求返轉頭影相
=.=!!!仲話佢地好靚靚....

呢個長滑梯好好玩, 大爺玩左3次
如果唔使排隊, 可能唔止..

仲有個沙池..大爺一見到就衝左落去

呢個掘沙機, 應該大少少先岩玩
大爺都仲未夠力, 要大爺爸幫手!!

大爺唔怕羞既性格, 有個好處..
主動走去問啲姐姐借個剷黎玩泥沙...

係個沙池玩左成個鐘都唔肯走
最後啲姐姐要返屋企, 佢先肯走!!!

 轉玩下其他野先
"FU~~FU~~FU~~~"
好投入, 唔知以為佢JA緊架識郁既飛機