[[BIG Yeah]] 智樂社區大自然遊戲日

18 JAN 2015
智樂社區大自然遊戲日

咁近又免費既活動唔係唔去啊嘛??XDDD

仲有NIC NIC哥哥一齊, 今次出黎多左好多交流
有個伴一齊玩, 我可以慳返啲力

畫畫畫, 好俾心機地不停亂畫HAHA

大爺唔知做咩驚坐呢個,攬到NIC NIC實一實

幾相親相愛..XDDD

其實唔知佢地想整啲乜,只係不停係度痴膠紙

好喇!完成.~~

完全係搞搞震

再自己整下眼鏡先

~登登~
唔係佢整架, 係NIC NIC媽媽整

佢地整係亂畫同亂痴

玩到攰搭個帳篷扮野餐先

玩完齊齊拖手手返屋企

NIC NIC哥哥帶左架scooter黎
大爺己經眼金金喉住左好耐, 終於可以玩啦...
上次玩晉晉o個架仲要我係側邊伴住
今次竟然同我講唔使, 自己一枝箭走左=.=!!

真係識玩咁bor, 咁.....我考慮下買唔買俾你啦XDDD
((上次都係咁講, 到呢家仲未買))

搵返條路返屋企先
大爺:"係呢邊啊.."

依兩個小朋友沿路打打鬧鬧, 又攬又鍚, 又鬥快跑
好快行到返屋企喇!!
((平時得大爺一個, 佢實唔肯自己行咁遠, 要抱抱))