近排有一樣野一定要好好教導下大爺
成日掛住玩, 無乜危機意識
佢唔改善下, 遲早有一日俾人捉走左 或者 走失左
例子一:
公公帶佢去公園, 近期好鐘意同啲哥哥姐姐玩
死跟住人地一齊玩, 阿公就坐係長凳度
有次同緊佢玩個姐姐走, 大爺就追住跟埋人地既媽媽走
阿公就偷偷跟住佢留意佢
個衰仔真係一啲都唔驚, 跟完人地自己走返去公園
公園搵唔到公公自己行返去屋企條路
不過行行下有條馬路要過, 阿公驚有車就出黎捉返住佢..
全程佢係又無喊又無驚
((當然俾阿公訓話一輪))
例子二:
大爺爸放假湊佢, 有次經過冒險樂園
一放佢落地, 一枝箭自己跑去坐車車
大爺爸又偷偷收埋自己, 係某一度望實佢
佢又同個哥哥玩, 無搵過大爺爸
大爺爸話佢真係玩左好耐, 都無搵過佢=.=
結果大爺爸忍唔住出返黎, 又訓話佢一輪
大爺俾人訓話完一輪, 通常會話:"sorry公公, 我下次唔敢架啦"
同埋好快應我地 :"哦, 知道 , 我知錯啦, 我唔會架啦"
係啊, 係道歉得好快, 又應得好快
但呢啲都係佢口頭嬋黎架, 轉個頭又係咁....
所以呢家同佢去街, 要望到佢實一實!!
噢! 大爺唔可以咁大膽架, 太危險了!! 不過小朋友真係要"經一事先長一智", 唉, 小心小心
回覆刪除最慘我地突登"理"埋等佢驚, 但佢驚都唔驚下, 好想嚇佢一次等佢唔好再咁...
刪除係呀。。呢啲識啲唔識啲嘅歲數就真係最難攪！
回覆刪除同小檬一樣，應又快，轉頭又唔記得。。
我啱啱先講返一次經歷，又係咁。。唯有自己睇緊啲,
大爺自己行返屋企條路又真係好大膽，不過有車就好危險喇
小檬又係咁??佢地應得好快....務求認完錯我地快啲放佢走, 又玩過~~
刪除唉~~~大爺一落公園玩就真係乜都唔記得晒....阿爸阿媽乜都唔理!!
要好似個癲咁喝住佢, 先等埋我~~~
嘩...真係要好好教導下大爺啵, 咁容易就跟人走左去, 唔見左就大大鑊~
回覆刪除不過小朋友真係唔識驚, 唯有你地大人再俾d眼力望實d佢啦!!
好彩小b呢樣野幾好, 佢出街點都會拖實我地, 有時就算我想係袋拎野放開左佢手, 佢都會扯住我件衫唔放, 就算見到有d乜野好想玩, 佢點都會拖埋我地一齊去, 直到你叫佢玩佢先會安心行開.
我呢家每晚瞓覺同佢講一次, 講到佢記入腦為止~~~><
刪除小B呢方面好有危機意識啊~乖女!!!!~~大爺近排一興奮就唔肯拖住, 佢成日話要跑跑跑...救命, 我就o係後面追住佢...
真係好大膽＞＜
回覆刪除真係望少眼都唔得~~~~T___T
刪除大爺都好大膽喎，不過佢哋呢個年紀真係無咩危險意識，或者要同佢講吓D拐子婆故事嚇吓佢等佢驚，不過最緊要都係大人睇實跟緊D，同埋教定佢萬一唔見咗大人要點求助，唔係遇到壞人就慘慘啦
回覆刪除我地呢家成日嚇佢, 唔拖實我地, 會有拐子佬, 有丫烏婆捉走佢...
刪除同埋教定佢萬一唔見咗大人要點求助 <--- 大爺答我"我會嗌救命架啦"WAKAKAKA
唉~ 晉又何常唔係~ 又係大膽仔~ 我地哩埋, 佢完全搵都唔搵我地~ 近排又唔比我地拖.....
回覆刪除吓, 乜晉晉又係咁啊~~~~佢地兩兄弟一擔擔!!!
刪除下次出黎拉埋佢地兩個一齊講下"丫烏婆故事"俾佢地聽先得...XDDD