[[CNY2015]]初六- 睇戲-荒失失企鵝

近排打BLOG新速XDDD

o係去旅行前, 要拿拿淋打晒新年先得

24 FEB 2015

初六

約左啷啷細佬一家拜年加睇戲

兩個都係第一次入戲院睇戲, 連大人都好期待

啷啷細佬想睇"荒失失企鵝", 所以就睇呢套啦~

 但其實我諗大爺係想睇"多啦A夢", 唯有搵日再帶佢去睇啦!

等入場前影下相先, 話晒第一次入戲院睇戲嘛XDDD

對於大爺感情咁豐富, 睇襯卡通片都好投入黎講

呢套其實唔係咁適合佢 , 佢一見到壞人八爪魚就驚

啲企鵝俾人吸晒入車佢又驚, 長期扒住要我抱實

差啲頭髮都俾佢扯甩!!!

但佢又無講過要走喎, 睇到完場為止~ 

相反啷啷細佬一路睇一路食爆谷, 又唔驚, 好似好嘆咁XDD

一出黎大爺好快瞓埋, 睇黎佢驚到好攰..wakakaka

襯佢瞓左即刻去食dinner先

佢瞓左我地先有安樂茶飯食嘛...嘿嘿!!

兩兄弟今日玩到好癲, 希望大個都keep住咁好感情啦!