[[CNY2015]]年初一至年初二

19 FEB 2015

年初一

恭喜發財, 大家新一年重緊要身體健康!!

年初一, 大爺爸係無假放既

大爺照舊一早起身, 等佢玩夠, 就照舊同佢影下新年相

今年無著中國服啊, 不過著件紅噹噹衫應下節先

大爺祝大家日日都笑口常開!!哈哈~

宜姨岩岩去完日本返黎, 買左個多啦A夢百寶袋俾大爺

岩晒!可以用黎裝利是啦!!!

((大爺成日話自己係多啦A夢, 我係多啦美, 爸爸係大雄))

等大爺爸放工返黎就過嫲嫲度拜年 加食午飯

之後大爺爸就好爽咁返屋企瞓覺

我就會合宜姨, 公公佢地去第二度拜年喇!!

其實我都幾鐘意拜年架,  唔多見既親戚朋友都會新年聚埋一齊

一年一次咁難得, 聚埋一食食下, 傾下, 真係好開心

同埋宜姨三個一齊紅色格仔!!

20 FEB 2015

年初二

一行十多人去東莞拜年

 深圳轉火車

等待中

宜姨學大爺摸面

大爺有個習慣, 一摸面就係攰同眼瞓架啦XDDD

上左車突登間精神晒!!

車迷當然隨身袋住幾架車啦, HAHA

話咁快都未氹到大爺瞓就落車喇!!

等車黎接我地

好彩有公公係度抱下大爺, 唔係我隻手斷硬!!

首先醫下個肚先啦!!!

大爺"唔該, 我要白飯啊"XDDDD

食飽飽就姨媽度玩lu!

入屋第一件事,搵車車xdddd

 仲要問表哥可唔可以俾佢拎呢兩架車佢帶返香港

表哥又竟是好闊佬話俾佢喎!!

結果我就拎埋呢兩架lego車車返香港!!

死心不息, 又再搵

大爺近排好鐘意砌lego, 搵襯出黎都係lego車車..

公公幾得閒,同大爺既表哥仔打羽毛球

轉個頭佢地就嘭嘭呯呯..

大爺離遠睇話"爆炸啊, 我地快啲走啦"

拜拜, 下年再黎過玩啦!!