[[CNY2015]]初八-放風箏+ 踩單車

26 FEB 2015
年初八

大爺爸終於放假啦!
本來去左咁多日街, 今日想休息下, 聽日就要返工喇嘛..
但係大爺爸竟然主動話去玩喎, 我當然奉倍到底啦!!

我地決定近近地去海濱公園算喇!
仲約埋NIC NIC哥哥一齊玩添, 有個伴同佢跑, 唔使我地倍跑XDDD

今日勁好天, 曬到呢...
結果要幫大爺除左外面件衫, 仲換左條吊腳褲添, 哈哈!
今次大爺爸得到高人指點, 第一下一放, 隻風箏就飛左上天喇~
大爺見到不知幾開心

((我呢個戀子狂, 真係覺得呢張影到大爺好靚仔, 哈哈))

呢個樣好趣怪

大爺爸影得好
呢個係真實對白黎

之後講講下, 當我同佢玩捉, 越叫越走

終於捉到佢,但依然唔俾返, 唯有捉佢影相=.=!!!

輪到NIC NIC哥哥玩啦!
大爺就係側邊不停暗暗沉沉 , 成個管家仔咁!!

咁岩有個大叔叫我幫佢拎住隻風箏,我就將佢交俾大爺
一人一隻唔使爭啦!!

實在太曬啦, 玩到咁上下要食下野補充能量

傻瓜蛋大爺!!

呢件哈衣由6M著到呢家, 真係好抵著!!
點解大爺仲咁細粒??

之後踢多陣波就去高塔度行下

有大爺爸有笑料, 大爺爸好叻氹小朋友笑

之後就轉陣去踩單車
當然唔係我地踩, WAKAKAK. 大爺爸一個踩, 載住我地4個
辛苦晒啦!

踩到去碼頭,兩個小朋友話要幫手推

碼頭附近有個公園, 岩晒!再放下電...

大爺爸都玩得好開心!XP

夠鐘返去還車啦!!
大爺:"o個度有天使啊"

點解覺得呢啲光o個度有天使??

開開心心又一天喇!