[[卜卜BB]] 上水假日農**勁好玩**

22 NOV 2015

[[卜卜BB]] 上水假日農場

((多謝晉媽安排,真係好好玩))
((多謝媽媽們啲相啊!))
 

經過兩星期發燒, 咳, 再燒返, 到差唔多好既時候

點知又淋巴發炎, 要食成個星期消炎藥

((仲要係藥丸, 真係攞我命, 之後再講))

平時好鐘意玩既大爺, 一黎到己經鬧情緒

唔知乜原因, 我淨係諗到可能藥物反應=.=!!

 

鬧情緒ing既大爺, 目口目面, 忟忟憎憎咁!!! 

又唔係唔聽話, 叫佢上去影, 又肯影既

仲係主動幫我地影相, 又影得唔錯喎!

我地同晉晉一家最早到, 周圍行下睇下有乜玩先

呢個諗住大爺唔夠力,原來又ok喎!

仲爬到上頂添!!

之後排隊玩呢個, 佢肯玩, 但個樣都係唔開心既

我仲諗, 佢係咪唔舒服, 定同佢返屋企呢??

行行下, 燒腩仔都黎埋喇, 一齊坐下氹氹轉

嗱!佢又係悶悶不樂既樣!

睇下燒腩仔玩得幾咁開心, 大爺就坐係度呆左!!

玩左一陣就話唔玩!

我同佢行行下佢聞到人地BBQ, 佢話好香啊, 佢又想燒烤

我話無得燒烤喎, 我淨係帶左粥咋喎! 

(尋日大爺痾左4次, 所以今日食粥)

點知佢話想要 @__@明明黎之前食左一大碗囉喎~

好啦~咁坐埋一邊食啦! 

一路食我就一路((溫柔地))訓話佢:

問佢係咪唔舒服, 唔舒服就同佢走先 (佢又話唔係)

咁你再係咁, 我就同你走架啦, 唔玩架啦!

 o黎到要開開心心架嘛!

平時你好鐘意玩呢啲架嘛~

講完一大輪問佢乜事唔開心, 佢竟然話:"我肚餓咋嘛"

咁好啦, 食完要開心返玩架~

((我都覺得自己長氣))

好啦, 食完真係慢慢好啲喇!!

小檬都黎左啦, 識笑啦~

頭先唔肯坐呢個, 都肯坐喇!!

唔該晒晉爸同波爸陪玩啊~

我都鬆左一口氣~~噓~~~

其間見到燒腩仔請佢食左甘大枝之後更加開心返

開始主動話要去玩喇~媽媽我即刻安樂晒

俾左入場費架嘛..挭係玩盡佢啦..wakakaka

大家集合一齊準備去餵兔仔同餵羊羊喇!!

去小食部買鉰料先

邊個去想去餵兔仔既舉手

到喇, 大家好似釣魚咁餵兔仔XD

塊紅蘿蔔己經被食左一半喇!!

轉戰去第二度再餵

啲兔仔好可愛啊~

同燒腩仔幾專心XD

餵完又轉去餵羊羊, 可惜大爺唔鐘意

佢應該上次台中之後驚左啲羊XP

唯有我快速餵完同佢去第二度玩啦~

返到去剛好, 1:00-3:00PM啲滑梯就開喇!!

大爺首先就話要玩呢個水桶SIR滑梯喇~ 

啊大爺笑得好含蓄~~WAKAKAKAKA

玩完仲話好好玩又話玩多次~XD

結果又再玩多次~

頭先玩呢個佢個樣唔高興, 問佢玩唔玩多次

佢又話玩, 仲咁岩見到小檬行過可以一齊玩

睇呢啲表情就知大爺返黎喇!!回魂喇~HAHAHA

幾開心, 仲識望鏡頭kaka

笑到四萬咁先係大爺黎架嘛~

呢個都好快架, 我同大爺玩左唔知幾多次~

睇我地個樣就知好玩啦~~

呢個sir落波波池度要俾錢, $5/2次

大爺見人話, 佢又要玩~

到我排隊玩, 大爺無份~

呢個由於太快, 大爺話影我唔到~

好彩有融融媽幫我拍video!!

融融同我影完呢張相就跌左啲提子, 陰功豬!

大爺唔知幾時自拍左???

嘩~~~個鼻窿大到, 塊面大到呢~~hahaha

呢度真係好好玩, 下次要再黎先得!!

晉媽係咪下次黎BBQ埋啊??