[[BIG YEAH K1]] 學校親子旅行@屯門蝴蝶灣公園

18 NOV 2015

 [[BIG YEAH K1]] 

學校親子旅行@屯門蝴蝶灣公園

學校話今年全校有過千人一齊去, 有成廿幾架旅遊巴 

所以我地分配左第二個時段9:00集合

返到學校己經相認返啲同學仔一齊玩

一路玩住一路等好快就上得車喇!!

路途上老師玩下問答遊戲, 唱下歌 

仲有祈禱, 估唔到大爺好認真祈禱

完全係合埋眼, 合十手, 跟老師講!!

((平時o係屋企仲不停唸主禱文))

到達, 臨落車己經同同學仔玩到癲左!

我都係第一次黎屯門蝴蝶灣公園 

落車去球場集合先!!

今日同Heydan係最fd, 成日痴住一齊!!

集合影完班相就可以自由活動

我地同埋同班同學一齊去沙灘玩沙, 小朋友最愛

全部同學都沉醉玩沙

到11:00幼兒班球場集合, 有集體遊戲時間

唱歌跳樓, 做運動, 玩下小遊戲

睇相大爺都知大爺好投入..wakakaka

佢一係鏡頭敏感症, 一係就好愛我

做乜成日望過黎?

YEAH!跳~

其中一個班主任, 黎老師

啊~唔記得搵羅老師, 同葉老師影相添..

集體遊戲時間完左行返去沙灘時, 大爺無端端話要返屋企

=.=!!明明玩得好開心, 做乜要返屋企..

我唯有氹佢要去沙灘搵返大爺爸先得..

返到去又話唔玩沙, 坐係度食下野

不過大爺一路悶悶不樂咁, 無耐就話想去POO POO

大爺爸就帶左佢去廁所 ((好彩爸爸係度))

原來佢搞肚痛, 痾完出黎精神晒即刻又出左去玩沙...@__@

痾完幾精神..WAKAKAKA

成日老點同學既爸爸出去幫佢勘水..XP

之後我派左大爺爸出去同佢玩, 我就坐係度同啲媽媽吹下水..

佢平時話鐘意同樂樂, 睇返啲相又真係喎!

旅行依日又成日見佢地出相入對..

好明顯大爺爸係自己鐘意玩囉..

大爺有大爺玩, 佢有佢玩wakakaka

玩到差唔多一點就收拾, 去沖下腳, 換過件衫

玩下泡泡

佢成日提既幾個同學仔

係咪男仔都係同返男仔玩既呢???

呢支學校送既, 每個同學一支泡泡

吹~

一點九集合回程

話咁快呢個親子旅行就完結喇!!