[[山系大爺]] 一家三口行山@大埔滘自然護理區

大爺爸好好彩放中星期六, 嘰嘰!!當然要一家三口去玩啦~

天氣又熱返, 所以同大爺去行山玩水

今次無公公婆婆份, 佢地又去左旅行 ((去旅行次數全屋之冠=.=真係嘆))

今次只有大爺爸, 仲要係第一次同我地去行山呢!!

但可惜今日大爺超扭計!!!

點解咁扭計, 咪就係o係嫲嫲度, 同佢最愛既姑媽玩左兩日仲一齊瞓左兩晚

((其實平時大爺都會間唔中係公公度瞓一晚當渡假, 諗住同姑媽瞓都無乜所謂, 點知..))

星期六朝早返到黎就變身,成個少爺仔咁, 少爺仔脾氣!!! 

呢家諗起我火都黎, 俾姑媽縱左兩日就咁~~

朝早返黎話想食雞蛋仔做早餐, 我地話唔得, 咁早無得買

佢就不停重複話"唔得, 我一定要食, 有得買架, 我一家要食" 

氹掂左佢唔食, 話去麥當當食早晨全餐, 去到又扭

"我要換玩具, 我要食兒童餐"

"唔得, 我唔食"

"唔得...唔得...唔啊....."

呢個時候, 大爺爸就忍唔住爆佢大鑊, 佢就知驚, 乖乖食完出發!!!!

((但行山既過程佢又扭, 下面再講))

今次目的地: 大埔滘自然護理區

o係個牌度影返張相先

如果你想行下叢林, 唔怕行樓梯, 又唔怕行得耐左就係呢度上

大埔滘自然教育徑

如果你想快啲,就沿住側邊條石屎斜路上就到架喇!!

大爺一開始仲好地地

行行下就咁既樣, 真係想打鑊佢

又話熱又話攰又話污穢又話咁多泥, 不停發出唔耐煩既聲

之前行咁多次都無厭三厭四, 今日少爺仔上晒身, 以為自己真係大爺!!

俾大爺爸鬧完就唔肯拖大爺爸行, 一定要拖我行

所以之後都無乜影相!!

終於行到去溪澗, 大爺見到心情當堂180度轉變

仲有氣有力返添!!即刻沖左過去準備玩水~

依個大爺爸都好唔得閒!!

開心返咪好囉!!

有水玩, 小朋友就最開心!!

呢兩父子好忙!!

成身濕晒!!!

由於大爺岩岩病好, 都唔想佢玩咁耐水

今日啲水都好凍下!!!

換返衫,就行外圍既斜路落返去 

大爺當左呢個係滑梯.XD

以為啲花一吹就會散開, 傻瓜蛋!!

點知臨尾跑跑下仆左落地, 仲要係個咀落地

流血流到成咀都係, 仲有隻腳都損埋流血,

仆得太金啦, 喊到癲左!!!!

不過都堅持行到落山 , 大爺爸先抱佢

抱左唔夠幾秒就瞓埋~~~~呢個扭計蟲今日真係黑仔喇!!

返到屋企沖涼, 又扭計話唔洗頭, 結果大爺爸又炳佢一鑊

唉~~~真係未試過咁扭計法!!人都癲~~

好彩第二日起身變返我個乖乖大爺~ 無再扭計!!呢幾日仲keep住好乖

不過我都己經下令左, 唔再俾佢去過夜!!!

上次返嫲嫲度食飯, 話左成件事俾佢地聽~~~((姑媽唔係度))

老爺聽到仲話"緊係啦, 俾姑媽縱到咁, 乜都同佢玩乜都話得"

好彩有人同意我!!