5 MAR 2016
[BIG Yeah] 劍擊初體驗
見好多同學仔&朋友仔都開始俾小朋友上興趣班
見好多同學仔&朋友仔都開始俾小朋友上興趣班
其實我都想搵樣興趣班俾大爺學既
但係呢.......放假同佢出去玩, 去下行山, 去下郊遊都己經好忙
所以遲遲都無搵到, 同埋都唔急住搵既
我都想大爺親親大自然多啲~吸下新鮮空氣~
報興趣班, 我覺得要試下先知大爺有冇興趣
咁岩我識得人可以淨係報兩堂試玩劍擊班, 仲包衫添喎
就同埋啷啷細佬一齊去玩下啦~~
((對我黎講有得試堂真係好重要架XP))
um...有唔有型??哈哈~
大爺仲問我下面做乜成條under著左出黎咁..笑死我!!
之前上網搵啲劍擊俾佢睇, 佢仲好開心好期待上堂
點知..........
我地無入去睇上堂情況,不過落左堂阿sir俾我地同佢地影下相先走
大爺話今日教篤劍喎!
上完堂我問大爺,好唔好玩啊?
大爺:"我覺得好悶啊, 唔好玩, 我唔想學啊"
我真係估唔到大爺話唔好玩同好悶XD
我之後都有了解下同佢傾下上堂玩乜啊, 做乜 唔鐘意
佢都係堅持唔想學, 咁好啦, 我都唔迫佢
我話仲有一堂, 上埋佢就唔再上啦!
但佢又好乖乖咁話"咁好啦, 上埋一堂唔再上喇"
((好彩我報左兩堂啫...HAHAHA))
到左下一個星期六
大爺前一晚又再同我講佢真係唔想上
我話同佢上完就同啷啷細佬去食元氣高速火車
咁佢話"好啦, 上埋今次咋!"
今堂o係出面上, 有得睇到佢上堂情況
其實我睇呢堂, 又睇唔得出有啲咩咁悶喎!!
最搞笑我成日見到大爺間唔中係度透大氣,睇得出佢真係好唔鐘意上
雖然佢唔想上, 但我見到大爺都好專心上堂, 聽阿sir講野同指令, 無周圍走
啷啷成日搞佢, 佢都無理啷啷, 留心聽阿sir講野
有2個小朋友成日走黎走去, 仲過左去玩啲車仔, 佢都無跟佢地一齊去
定力好好啊, 落左堂我都有讚佢!!
初段大爺都滿懷心事咁, 尾段好好多, 終於生猛返晒!!有返笑容~
大爺講既篤劍~
上完堂, 大爺又再問多次係咪唔使再上
我話係啊, 唔學喇! 仲讚佢雖然唔鐘意學, 但上堂好乖好專心
所以奬佢依家一齊去元氣高速火車度食飯XD
唔知仲會唔會黎, 影底留念下先
咁大爺有無話想上乜野興趣班呀?
回覆刪除其實我覺得興趣班都唔一定要上, 多d遊山玩水咪仲好~
我有問佢想學乜啊, 佢話鐘畫畫喎..wakakaka 但平時見佢啲畫真係無乜畫畫天份喎!!!
刪除好型仔呀！！我都有個朋友學劍擊㗎～
回覆刪除好呀。。好呀！咁快知道自己唔鍾意，唔使媽咪徙錢！
行吓山，玩吓水都好緊要架。。所以我星期日咩都唔學！有一日全日一家人一齊玩
係啊,可能佢真係想幫我慳荷包啊...haha!!!早啲話唔鐘意都好, 最怕學2-3個月又唔學半途而廢!!
刪除放假FAMILY DAY真係好重要~~~小朋友最期待!!
我都係為左個個星期六日帶芊芊行山郊遊,所以唯一學緊既跳舞就辛苦少少係平日下午上堂.
回覆刪除大爺D專注力好厲害啊~~~你平時有冇特别訓練佢專注力架?
係啊, 星期六日陪佢地周圍去玩去郊遊仲有益身心
刪除如果大爺搵到想學既興趣班, 我都想係平日下午, 咁星期六日就可以帶佢周圍去喇!!
無訓練佢專注力啊, 我估可能返左學知道上堂既規矩~
大爺好有型呀呀呀呀呀~~~~~~~~ ^3^
回覆刪除多謝SAM SAM EE^3^
刪除真係好型仔~!!!
回覆刪除係呀, 真係好乖, 唔中意都會專心上哂堂~ 呢個精神好好~
多謝SHARON~~~
刪除係啊, 所以佢一上完堂出黎我都要讚下佢做得好~~~
幾好呀，肯唔鍾意都乖乖上埋先。上次去玩英文craft 定唔知畫畫咪好似幾鍾意0既，或者真係0岩佢呢
回覆刪除係啊, 佢都話鐘意上次個畫畫多啲~~~
刪除但上次個畫畫離屋企都好遠啊...要係屋企附近搵下有冇類似先得~