[放暑假2016] Hormonic Motion@IFC

28 AUG 2016
Hormonic Motion@IFC

 初初知IFC有得玩呢個彩色繩網己經想帶大爺去
但要打電話book, 仲要聽人講打激都打唔到既, 我呢個懶人緊係懶得打
後尾知道有得上網book, 就即管一試, um~~都係book唔到既, 所以就放棄左!!
點知宜姨約左左佢啲同事去, 佢同事仲要有會員咭, 可以唔使book就入得去,
我地緊係厚住面皮跟埋去啦!!

 大爺玩完一次, 又話要玩, 玩完第二次又話再玩
我話唔玩得啦, 點知佢話"我地有咭啊嘛,去排隊就得架喇"
真係厄佢唔到, 結果總共玩左三次!!

 呢張好正, 蜘蛛大爺..haha!!

大爺爸好勁, 爬到上到!!
我其實都好努力, 但都爬唔到, 同埋腳板底真係好痛..haha

我o係啲窿度爬左上去之後, 係再爬唔到更高~~點解咁"線"既????
我就係卡住左係度無郁過!!

~~~送你地一個"pat"~~~

成日捐黎捐去, 我地都跟佢唔切!!
不過呢度啲網都好安全, 有三層, 唔驚佢會碌左落街~

大爺"拜拜你條尾", 然後走鬼左!!

"sir"~~~~落個窿度!!

終於捉到大爺影返張一家三口!!

仲有珍珍表妹!!!
第一次驚啲網, 第二次入就唔驚啦~

我同大爺有合照啦~
突登放佢上個波度, 佢落唔到黎先影到合照~

好嘆既呢~

大爺真係好愛表妹架~

sweet sweet!!

多得宜姨, 我地先有得玩!!

表哥同表妹今日咁岩一齊著菠蘿衫!!

玩埋呢個, 暑假就完結啦!!!
要收捨心情上學去~~新學期有新老師同新同學~
希望佢今年繼續開開心心上學啦^^