[放暑假] 玩轉YOHO MALL

24 AUG 2016
玩轉YOHO MALL

今日平日黎, 點解我會放假???
咪就係因為有個小朋友話我無去睇過佢學游水, 想我去睇喎~
仲話個個朋友啲媽媽都有去過睇, 係我無去過喎~~
我呢啲愛子心切既~緊係請一日黎睇下囉..XDDDD

睇完佢學游水, 又唔想浪費左呢一日假, 搵個地方帶佢去玩下

最近見朋友去YOHO MALL都有啲野玩下, 就入去元朗, 順便搵埋VICKY EE

我地係商場入面食完LUNCH先開始玩

食飯剛好夠300蚊, 可以免費換呢個電動船玩

不過呢個位好曬, 大爺玩玩下都話好熱

之後就過隔離玩沙, 免費的!!
佢話好好玩, 己經搵左個樹底下面玩, 不過都係熱~
佢玩到滴晒汗都仲要玩!!

好彩我帶左把扇, 唔係熱死我同VICKY EE

玩到佢自動嗌走, 又轉去打千秋喇!!

商場有預備雨褸, 水鞋俾小朋友, 因為有水噴出黎

查實佢打左一下千秋就無玩,淨係掛住踩水

有水淋落黎幾咁開心

踩水啊踩水啊

著左雨褸都濕晒???係咪汗黎架??

好彩平時會帶多套衫出街, 換完衫就入商場玩埋呢個
要自己踩, 大爺踩左一陣己經唔夠力踩, 我諗都幾攰...

最後向我地求救, 要我地推..HAHA!!

大爺話今日玩得好開心!!YEAH!!