Artistic Mess@Ludus Club

24 SEP 2016

Artistic Mess@Ludus Club

剛過去既星期六, 同大爺參加左Ludus Club既Artistic Mess
其實去之前都擔心, 因為我覺得大爺有少少潔癖
同埋去玩之前講佢知係會玩到周身顏色,  佢聽到即話唔玩=.=
經我解釋一輪, 啲顏色洗得甩, 玩完有得抹乾淨, 會帶多套衫俾佢換
佢先話好, 但都唔太願意..XDDDD

去到未開始, 大爺同佢好兄弟啷啷喺呢張泡泡紙上面跑己經玩到癲左!!

好喇!!開始喇~~
剛開始個個都好斯文

有冇發現大爺條褲有個窿??
我突登拎左啲會掉既爛衫爛褲黎玩
玩完就掉, 唔使拎返屋企洗


大爺點完幾下仲好厭棄既樣走過黎, 話污穢晒叫我幫佢抹手
我緊係無幫佢抹, 同佢解釋一輪, 佢又走左去玩喇!!
好彩佢無話唔玩啫~~

開始佢慢慢都習慣左, 仲玩得好開心添~

唯一一張望鏡頭既相!!
之後佢玩得太忘我, 完全唔理我~~

印腳仔!!

呢張亦係同啷啷唯一一張合照

呢個烏繩拍令啲小朋友好瘋狂
個個係度拍拍拍拍拍, 啲顏色彈到周圍係~

大爺連啲頭髮, 面, 都係顏料

大爺拍既姿勢都好狠

咁樣拍唔辛苦咩?

中途見佢俾個小朋友搶走左個烏繩拍, 佢有少少唔開心
好彩玩呢個印星星開心返

跟住就玩碌牆, 老師會喺小朋友身上油啲顏料
((大爺俾老師油得好開心XD))

由左至右貼住牆碌碌碌...

呢張大爺好似要去打架咁~

己經唔怕污穢啦!!

好有型KAKAKA

呢個古惑大爺, 成日靜靜雞向住人地對腳黎吱..

原來都要濕身架喎,真係玩到連底褲仔都濕埋
((好彩我連底褲仔都帶埋))

睇大爺表情, 佢好ENJOY咁喎!!

濕完就o係地下度碌碌碌..

佢越碌越高HAHA

最後環節,拎起地下張大畫紙做隧道, 排隊隊損山窿

好開心!!

個口無合埋過囉..XD

估唔到大爺玩得咁enjoy咁開心啊..!!