大爺15個月喇!!
又要講返個句 " 時間真係過得好快"
越大越古靈精怪 !!!又識扮怕羞
好鐘意嚇我地, 見到我地驚個樣就好興奮
當然我地要好配合佢做出好浮誇既表情佢先會滿意
呢家好似識聽大人講野咁, 有文有路架喎!!
叫佢拎野, 又真係拎得中
一話去街街喇, 就去拎鞋鞋.........去完街返屋企, 叫佢放好對鞋 , 佢又識搵返個位放
同埋會拎個袋仔成個八婆仔咁挽住o係手度
問佢邊個公公, 婆婆, 嫲嫲, 爺爺 o個啲, 佢都指得中晒...
最令我開心既, 就係佢終於識錫錫我
期待己久我叫佢"錫錫mama啊" 佢就隊個咀埋黎
嘻!!!我就大口大口咁錫返落佢個咀咀度喇!!wakakakaka
((以前講激佢都唔理我架, 仲大把大把星走我))
poo poo方面: 識得同我講"唔唔" ((但有時佢係痾左先同我講"唔唔"))
咁我就會叫佢等陣, 我即刻帶佢去廁所poo poo
當佢聽到"咚"一聲, 佢會"啪手"好開心咁望住我=.=!!!!
咁我咪又好浮誇咁" 嘩, 好叻叻啊"
說話方面: 新識左講"襪襪", "袋袋", "爺爺","伯伯", "餅餅"
近排大爺越黎越痴我, 連爸爸都唔抵得
嘿嘿
乖仔!!希望你痴足我成世喇~~~
((近排興張家輝咁大隻, 俾爸爸猛下先))
嘿嘿
乖仔!!希望你痴足我成世喇~~~((近排興張家輝咁大隻, 俾爸爸猛下先))
好羨慕呀~叫佢錫錫佢咁乖去錫錫媽咪~
回覆刪除我都好期待囡囡有呢一刻吖~~~
[版主回覆06/28/2013 10:47:25]其實唔係次次佢都咁聽話架...
可能佢俾我既長氣煩迫住錫我咋.............
大爺好叻仔,識自己叫"唔唔",慳返好多尿片錢
回覆刪除[版主回覆06/28/2013 10:49:17]希望佢KEEP住叻叻落去, 佢有時掛住玩痾左係片片先同我講"唔唔"...........
當佢聽到"咚"一聲, 佢會"啪手"好開心咁望住我=.=!!!! <==好叻呀！！！
回覆刪除可以唔可以錫埋我呀？
[版主回覆06/28/2013 10:49:53]挭係可以喇.....靚GEN EE喎...
好叻仔呀
回覆刪除[版主回覆06/28/2013 10:50:04]多謝~~~~
Happy 15 months
回覆刪除識得錫錫mama，真係好冧呀！
[版主回覆06/28/2013 10:50:41]thanks... 係啊, 冧c我....
識錫錫mama，好羨慕!
回覆刪除我仔仔仍未肯錫人!
大爺識咁多又識講又識poo poo，叻仔!
我地剛開始訓練一仔用potty架!
[版主回覆06/28/2013 10:52:35]我諗係我成日好長氣咁同佢講, 痾poo poo要同媽媽講...((每日洗佢腦佢就會記得掛..哈哈))
一仔都叻仔, 好快識同你講......
happy 15 month to 大爺呀! 張全家福好得!
回覆刪除田鼠b明明識聽, 叫佢錫公仔佢一定錫, 反而叫佢錫我就一時時, 衰仔, 哼!
[田鼠b回覆06/28/2013 11:02:00]通常叫幾次佢唔埋黎, 我就會衝埋去錫佢架喇!
[版主回覆06/28/2013 10:55:49]多謝田鼠媽...........
係啊係啊, 大爺又係叫佢鍚公仔即刻鍚架..............同田鼠b一樣, 我叫幾次鍚鍚, 佢先鍚過黎我度架咋.......
當佢聽到"咚"一聲, 佢會"啪手"好開心咁望住我=.=!!!! <--- XDDD
回覆刪除柑B 放屁會自己傻笑XD
柑B 唔痴我~ 嗚嗚~
只好爸爸抱抱, 我無奈o甘自己上下網~ XDDDD
[版主回覆06/28/2013 10:58:36]哈哈, 唔使怕, 大大下會痴返媽媽架喇...........
大爺係近呢3個月先開始痴我咋.........
哈哈哈哈痴身大爺〜 小朋友變化真係好大呀〜
回覆刪除[版主回覆06/28/2013 10:59:20] 呢家大個左識撒嬌....衰仔黎, 一痴過黎我個心就冧晒..
大爺好叻仔
回覆刪除[版主回覆06/28/2013 10:59:37]多謝man chi ee讚賞...
大爺頂草帽好有型呀, happy 15th month =)
回覆刪除鍚鍚勁sweet啦, 我都好想bbb快d識呀
[版主回覆06/28/2013 11:00:43]頂草帽佢唔肯帶, 成日拎走...
bbb好快識架喇........
爸爸好搞笑, 變左猛男爸爸
回覆刪除[版主回覆06/28/2013 11:01:05]哈哈, 俾佢做下大隻男開心下......
現實中佢做唔到架喇..kakaka
K 媽, 你地比浮誇表情, 一定冇難度啦~
回覆刪除識錫錫, so sweet~
[版主回覆06/28/2013 14:21:20]查媽真了解我.. wakaka, 為左大爺開心, 幾浮誇既表情我都做得出.
((當佢聽到"咚"一聲, 佢會"啪手"好開心咁望住我=.=!!!!
回覆刪除咁我咪又好浮誇咁" 嘩, 好叻叻啊"))
= like 爆!
而家我地知道tarebaby 去左poo poo, 我問佢係咪有便便呀, tarebaby 個表情係好尷尬的, 又唔出聲點應我喎..
[版主回覆07/03/2013 09:48:53]哈哈, tarebaby咁搞笑, 細細個就知poo係尷尬事喇..
超級可愛！
回覆刪除[版主回覆07/03/2013 09:49:06]多謝