BIG Yeah Family台中親子遊DAY3 - 18度朱古力, 廣興紙寮, 日月潭, 一中街夜巿

BIG Yeah Family台中親子遊DAY3
民宿(最後喪玩) -->18度朱古力-->廣興紙寮--> 日月潭-->酒店-->一中街夜巿

上回講到夜晚大爺思鄉病發
今朝大爺一起身都仲係咁, 係度扭黎扭去
又話要返XX中心, 又話唔去旅行啦, 又話要即刻返香港
我話返即刻返唔到喎, 佢又話 咁即刻去搭飛機返啦
嘩, 當我神仙? 即刻去搭..WAKAKAKAKA笑死我
我對朋友瞓上面都忍唔住笑..

安撫佢一輪都係咁, 但我一話"啊, 不如我地去sir滑梯"
佢即刻生猛晒話"好啊好啊, 我地上去嚇叔叔囉"
=.=!!!我應該一早話去sir滑梯咪唔使搞咁耐

玩完開心晒, 問佢仲返唔返香港, 佢話"呢家唔返啦"
咁下次仲黎唔黎旅行, 佢話"黎, 旅行好開心架, 又有sir滑梯玩"
 真係麻煩友

精神爽利, 去食早餐先, 早晨!!
得佢精神爽利, 我同大爺爸尋晚俾佢迫到無位瞓, 連枕頭都霸晒我地既
佢係打橫黎瞓=.=!!!(好掛住張kings size床)

我地就係住呢座既二樓啦!

早餐唔多選擇!!可能我地遲落黎??

食完係民宿閒逛下先!!呢度真係好寫意~

尋晚應該落完雨, 條滑梯濕既, 無得玩lu!

望下山, 好舒服啊~

周圍都種左花

如果香港都有啲咁寫意既民宿你話幾好呢~~
不過一定好貴囉!!

兩父仔都係咁貪玩

肉酸仔, 撩鼻鼻

行完仲有時間, 又玩過!!
大爺真係唔蝕, 依條滑梯佢起碼sir左百幾次XDDD

司機11點先黎接我地
今日行程唔係咁密,  都咁上下又可以落下車休息下
玩左一朝滑梯既大爺一上車無耐就瞓左, 咔咔咔

司機帶我地去左18度朱古力
有免費咖啡飲架!!

俾大爺發現對面有貓貓雞蛋糕
大爺好鐘意食雞蛋仔, 依啲仲有可愛造形添, 佢雙眼發晒光

不過味道無第一日夜巿個槍槍雞蛋糕好味
呢檔唔脆既, 不過大爺話都好味!

嘻嘻,大爺爸買左雪糕返黎啦, yeah!!
大爺心諗, 食得未啊? 乜都影...

食完司機又問我地去唔去廣興紙寮, 又去下啦~
橫掂今日除左去日月潭都無乜野做

我地揀左個紙造既鐘黎造 (有人會教埋你)
wakakaka, 最搞笑係我做囉!!!我都無乜天份

我好專心架,但側邊幾條友不停係度嘈嘈閉
搞到我都手騰腳震!!!

本身諗住上面啲字係拎顏料畫上去
點知原來要自己捽啲紙變一條條再舖上面
捽到我呢.....為左快, 我淨係捽左4個數字XDDD

捽完又舖多層紙就拎去整乾

要拎掃禁下禁實先, 再由佢係熱板上自然乾

等既時候, 大爺有得玩啦!
教個個姨姨問佢鐘意咩卡通, 俾佢玩一個
掃掃掃

印印印, 出黎喇, 係多啦A夢啊^^

好喇!我就拎埋我張紙黎篤返, 裝返個鐘上去

呢個大爺開始不停搞住我

好喇, 由於側邊幾條友暗暗沉沉左我咁耐
轉交俾佢地玩埋佢, 睇下你地有幾叻...

登登~搞掂啦!!!
點解個架車, 變左隻龜架??

YEAH!!可以去食飯啦~
咁樣搞法都己經兩個鐘...

去到日月潭己經兩點幾, 拿拿淋醫左個肚先

由於太肚餓,我係無影相架XDDD

食飽去日月潭個牌影下相先

呢度就係啦!!

天氣唔好, 所以無搭船遊湖

到此一遊完, 回程返台中

司機請我地食呢條烤庶又幾好味喎, 暖粒粒!!

返到台中去酒店check in先, 今晚又係住返新驛

今次住10樓主題房, 係我最鐘意既青bbb色..keke
自從day1瞓過kings szie床, o個日臨走同定酒店講今晚都加錢轉
大爺返到酒店又精神晒, 不停o係度碌碌碌, 跳跳跳

再跳!!

陪碌專員--大爺爸
WAKAKAKA

玩夠就出去, 近近地去一中街夜巿
酒店去一中街夜巿, 的士NT$110左右

掃左一陣街, 其實都飽飽地, 不過都買啲返酒店再食
**其實呢個夜巿無逢甲夜巿咁正, 建議大家去逢甲夜巿**

大爺成日話好臭, 好一陣臭豆腐味=.=!!兩隻手指塞晒入去

登登!!!成枱都係, 又食~

魯肉飯都係逢甲個個好味好多
焗薯超好味!!!!

而大爺食左啲魯肉飯就唔食, 可能覺得太濃味
佢都係要拎返貓貓雞蛋糕黎食

睇住peppa pig黎食, 佢真係好識好嘆!!!

食飽飽, 沖埋涼, 早啲瞓!!
聽日行程好緊密~

今晚沖左奶奶俾佢, 以解佢相思之苦
好彩佢今晚無再話要返XX中心, 返香港...