[[BIG YEAH]] 半下水禮@赤柱

要快速打BLOG先, 唔可以隔得太遠

26 APR 2015

半下水禮@赤柱

點解叫半下水禮, 因為大爺淨係濕左下半濕!HAHA

其實本身目的係去搵大爺既姑媽
姑媽搬左去赤柱, 新居入伙 , 去參觀下
咁遠去到,諗住俾大爺去沙灘玩下沙,
所以帶定左啲玩沙工具俾佢

大爺初初除左鞋, 隻腳都唔肯放出啲沙度

好專心玩沙之餘仲好保護自己對腳XDDD

玩得好開心

無耐佢見出面啲人玩水玩得咁開心
突然企左起身話想出去玩水
我話"你想出去玩就自己行出去, 媽媽著左鞋唔濕得水"
然後佢就企係度呆左一陣, 又望下出面

慢慢咁佢就行出第一步
好慢好慢咁行, 一路行一路話啲沙好吉WAKAKAK
啲腳趾仲爪實晒, 好緊張咁bor!!

又企左呢個位一陣
望下自己對腳

終於佢出聲, 叫大爺爸拖住一齊行出去喇!!

沙又使乜好怕呢~
 

好鐘意玩沙又鐘意玩水既小朋友

佢完全無理過自己套衫會濕=.=!!

兩父子玩到咔咔大笑

 

咁樣玩法, 己經濕晒
好彩平時出街慣性帶套衫, 所以都由佢地玩

好啦, 到我同大爺sweet sweet下先
大爺爸返去看袋~

踢踢水

哈哈!!

玩到五點幾就閃lu!!

要快啲黎個正式既下水禮先得~