[[韓國遊]] 獨自去偷歡

20 MAY 2015

突然出走韓國5天, 買機票到出發半個月都無XD

當然買機票前首問左公公肯唔肯湊4晚先, 唔肯湊我一定唔去架啦!

大爺爸湊唔到, 佢每朝返工太早, 夜晚照顧唔到大爺

嫲嫲唔使講, 我諗大爺絕對唔肯o係嫲嫲度瞓幾晚

好喇!點知公公又話ok, 仲叫我去啦去啦去啦咁喎!!

咁~~~~~~我~~~~~~咪~~~~~去吓囉!!.wakakaka

咁當然我有問過當事人(大爺)啦!!!佢俾我去我先去啦XP

 出發前幾日大爺就病左,又發燒又咳又流鼻水, 仲傳染埋俾我

出發時我醫返好個喉嚨痛, 但就咳到死

而大爺都差唔多好, 淨返啲咳!!咁都好, 起碼佢病好左, 我唔使心掛掛

出發日, 同平時返工差唔多時間出門口

大爺都起左身, 公公話帶埋大爺送我去搭巴士

之前問過佢送唔送埋我機架, 公公話送乜鬼喎=.=!!!

襯機場巴士未黎前影返張相先HAHAHA

有巴士黎啦, 上車前同佢地bye bye, 上到車放行車時, 公公突然抱住大爺跳埋上車

真係嚇我一跳, 好驚喜!!

噓~~~之前又話唔送我去機場, 懶神秘!!!

好彩臨出門pat pat痕同大爺換左條睡褲, 如果唔係佢咪著住睡褲去機場XD 

登登~~~yeah!!大爺送我去機場~~

雖然好sweet, 但佢全程把咀又係講唔停

最慘我一講野, 就係咁咳~~

臨到機場, 大爺見到飛機

仲指住國泰架機問"媽媽, 呢架飛機係平架??無野飲同無野食架??"

笑屎我, 佢仲記住上次去台中搭平機無野飲同無餐食

我話"唔係, 呢架貴架, 有餐食有野飲, 媽媽今次都有架"

然後佢就話"咁好啦, 你搭貴啦有野食架啦"

大爺雖然無份去, 但o係機場都好開心

因為有得坐呢啲行李車XDDD

陪媽媽check in先!!!

搞掂就陪佢去睇下飛機先!

好啦!!!5日後見啦~bye bye!!

當我依依不捨咁話"我會掛住你架, 你乖乖地喎"

大爺:"好啦, 你入去啦, 記住買車車俾我啊, 快啲入去啦"

=.=!衰仔, 掛住啲車

不過後尾講講下又話"咁你唔同我瞓, 我咪好傷心囉" 

終於有少少唔捨得我hahaha, 我都有返啲安慰!!

入到嗱嗱淋買返啲止咳藥, 醫下肚

慢慢煲劇等上機

因為兩個朋友都唔同日子時間出發 ,

今次係我第一次一個人自己搭飛機

仲要一個人搭車去酒店!

好明顯啲朋友仲緊張過我, 驚死我唔識搭車,落錯車搵唔到酒店XP

 

遊記準備中, 遲啲再blog!!

去到韓國返到酒店有wifi, 一開機就收到舅父啲惡搞相

好明顯舅父叫佢擺埋呢啲咁既pose去扮可憐啦..!!!

我對住呢張相笑左好耐XDDDDD

又真係好慘咁喎!!!!

我全程就不停收到呢啲扮慘相

其實大爺無唔開心, 只係舅父o係度玩o野!!