BIG Yeah Family台中親子遊DAY5 (完) + 後感

BIG Yeah Family台中親子遊DAY5 
宮原眼科-->洪瑞珍--> 早餐--> 機場

尋晚瞓瞓下聽到好大聲"嘭", 嚇到我同大爺爸即刻彈起身
心知不妙, 大爺碌左去後面床跌左落地
張床都幾高, 咁大聲嘭應該好痛, 抱返佢上黎佢就不停喊
問佢有冇邊度痛, 佢淨係合埋眼話呢度啊...
邊度??又唔指係邊度, 喊喊下就瞓埋...即係無事掛??

今朝又係九點度先醒(旅行先瞓咁晏)
換好衫執好行李就落去check out喇!!!

早晨!!!

通常最遲係大爺爸, 佢最姿整hahaha

我同大爺好快搞掂就出走廊影下相先

大爺"dad dad你得未啊??"

check out完,司機就黎接我地去食早餐
上左車, 司機問我地尋晚有冇去宮原眼科
尋晚太晏無時間去, 司機見我地無去順路叫我地入一入去參觀下

到此一遊!!!入面都幾靚, 啲手信仲好貴下添bor..

大爺好快睇中左塊朱古力曲奇, 真識食!!

即買即食XD

參觀完影下相混吉完就走啦~

然後去左"洪瑞珍", 啲三文治好出名, 諗住買啲返香港
不過我地買左一個分黎食左試下先!
um...食完, 我地四個都唔鐘意佢甜甜地, 最後無買

司機帶左我地去呢度食早餐!!

唔記得影杯豆漿, 勁好味!有焦味架!
仲有個盎敦湯, 又係真係好好味~~

牛肉麵都係好好味!!! 反而個蛋餅麻麻地, 無之前個間咁脆皮~

食飽飽就出發去機場啦~

半個鐘車程就到喇!!!同Gary叔叔影返張相留念先~~

YEAH!!下次有機會再黎又搵返Gary叔叔

返香港啦~

有得返香港, 幾開心!!

又係跑!!

又氹到vicky ee買野俾佢喇!!!

有小朋友玩既地方,我地坐o係側邊可以唔使理佢

起飛時同o黎個程一樣, 好high, 笑到全機都聽到

好喇, 諗住正正係瞓覺時間, 叫佢瞓下先
啊, 佢硬係唔瞓~

睇左陣pappe pig
話咁快, 就落機啦!!!

拜拜喇!!下年再搭過飛機啦~

無乜買野, 都係多左一袋啫!!

行去搭車時, 大爺終於支持唔住瞓左!


後感:

今次大爺第一次旅行, 過程非常之順利! ((啪手啪手))
全程算係好乖又好合作, 只係第二晚思鄉病發啫~
可能由於5日都包車, 真係好舒服, 一啲都唔辛苦haha
呢個旅程大家都玩得好開心^^大爺亦都氹得我兩個朋友冧滋滋
大爺仲同朋友講"下次帶埋你地兩個去旅行" 嘩, 講到好犀厲咁喎

我又乘機同大爺爸講, 今次大爺咁乖, 下年都帶埋佢去啦
嗯!!佢都話ok!!嘰嘰~~~希望下年佢唔會改變主意~