[山系大爺] 第一次行大山@大石磨

26 SEP 2015

[山系大爺] 第一次行大山@大石磨

公公成日話想帶大爺行大山, 今日中秋節終於願望成真喇!
阿大爺對我好好, 佢話媽媽去佢先去=.=
即係我唔去唔得啦~

大爺第一次行大山, 當然去啲低難度既先啦!
我影相呢個位--行行行--去尖塔位--行上山--目的地係最右邊既山頭

我問公公, 咁遠大爺行唔行到啊~
公公就好不俏話:"我驚你行唔到多啲喎"
 ~~~~唓~~~~

出發

婆婆無端端拎個風扇出黎俾公公話左好耐..WAKAKA
不過大爺好受落, 拎住好開心

行左一大段平路都未上山, 休息下先

跟得公公多, 大爺呢家行行下就會執啲樹枝玩

o係路邊欄杆發現左隻好靚仔既螳螂
仲係我最鐘意既色 ((青色))

過對面有個上山入口，不過要穿過草叢先

初初大爺仲未有心理準備，所以都縮下縮下咁，好彩無驚到話要抱！

啲草仲高過個人

過左啲草叢, 佢好似覺得自己好勁咁..仲話自己頭先探險咁..XD

今日天氣真好，好彩都仲有少少風

大爺呢個時候話要自己行，唔使拖

好啦。呢度都安全，俾佢行一陣

婆婆個背包好大HaHa!

因為今日中秋節，帶左啲月餅，碌柚，橙，仲有大爺啲玩具

呢度只係開始，我已經想碌返落山

但無理由掉低大爺咁衰仔

唯有頂硬上!!

望返落去，大爺話：啲屋變到好細好細

個太陽係頭頂，我真係熱到中暑，完全唔想講野！
但大爺仲可以不停講不停講，完全唔想應佢囉~

仲有閒情吹口哨

我為左唔係個山暴曬，所以自己行先

大爺就交俾公公婆婆

停低望下佢地先~

望幾眼我又繼續, 我都幾驚自己一個暈左o係山頭
太耐無行大山真係無乜氣!!
點解行極都望唔到目的地咁既???

間唔中我都望下佢地去到邊
越黎越遠, 見到佢地停左係度休息緊!

見差唔多到, 我就停低休息, 順便等埋佢地黎
終於黎到喇!!哈哈~~~

婆婆話好彩帶太陽眼鏡黎啫, 帶住可以避免啲草吉襯佢對眼

公公教左佢唔好捉住啲草, 啲草好利會介襯手

佢就一路行一路潑開啲草!

YEAH!!

見到佢成功行到上黎, 仲要一啲倦意都無, 真係覺得佢好叻仔
可憐佢阿媽我己經無左半條命!!!

仲差少少, 穿埋呢個草叢就真係到啦!!

上到目的地
入屋休息下先!!

濕晒

由11點行到1點幾先上到黎

又要講多次, 真係好叻仔!!!完全無嗌辛苦無嗌攰~
((平時我好少讚佢, 今次真係要讚多幾下))

婆婆

今日仲有公公平時啲行山腳
大爺既細姑婆, 丈公 仲有姐姐

中秋節要食下月餅應下節

食飽, 休息完出去玩下先
出面其實係個直昇機坪黎架~

3~2~1~跳!!!

好有型, 好似火箭升空咁 :D

~再黎~

到大爺幫我影喇!!!
真係影到我跳起喎, 但我跳到傻婆咁一啲都唔有型!!=.=

見晒成身己經收貨喇!!

大爺: 下面你地好嗎??

大爺知呢度有直昇機坪, 突登帶埋佢架直昇機上黎

山上風景真係好正架!!

乜都執黎搞下

婆婆又同佢一齊癲, 佢地話釣緊魚喎~

公公都癲埋一份, 拎個鋤頭玩~

o係度玩左一個鐘就落山
好彩落山有條快啲既路, 大爺仲有精力同公公一齊跑落山
真係好瘋癲!

落到山大爺話要去飲豆漿, 真係識嘆!!

飲完都未完, 仲要行一大段路先出返去搭車
呢家時候大爺己經開始嗌攰, 但佢都捱到差不多出到火車站先叫抱
公公抱起佢唔夠10秒己經瞓左XD