[山系大爺] 尋找機槍堡@沙頭角

11 OCT 2015
[山系大爺] 尋找機槍堡@沙頭角

一早起身, 天陰陰,剛剛落完雨
通常我一放假, 兩母子就一齊賴床, 唔願出房, 好sweet咁攬住傾計
問大爺今日想去邊, 佢話不如叫埋公公一齊去行山
明明佢地三個 公, 婆, 孫先去完大尾督玩, 今日又去=.=
 我既放假日, 即係勞動日!!雖然好攰, 但我都好樂意去既~
始終都係有益身心, 又唔使用錢既活動XD


我地好悠閒同公公婆婆飲完茶(大爺要食盎頭飯)
然後研究下去邊, 公公驚又落雨, 話不如去近近地去沙頭角行下睇下機槍堡同戰壕
UM, 我同大爺聽完好多個問號???完全唔知咩係機槍堡同戰壕囉~
 不過無理啦, 飲完茶坐巴士出發喇~

~ 到達~
入村行下, 今日涼風陣陣, 好舒服, 依度好清靜,無乜人
婆婆話初初開放沙頭角時勁多人湧入黎, 依家己經無乜人黎
可能個時太多遊客入黎, 好多度都有標語寫住遊客止步, 非請勿進

叫佢企定定影下相, 就整古做怪, 無黎正經

大爺:"其實我對眼唔細架"

大爺一路揇住我一路話"我真係好鐘意你架"wakakaka

錫到大爺燶既婆婆
請留意大爺手上盒朱古力, 又係婆婆既傑作, 成日買黎收買大爺

其實有少少毛毛雨架, 所以幫大爺著左件"線"水風褸著

大爺條腿幾長..wakakaka 影相的確可以呃到下人~

呢排行山多左, 大爺依家樣樣都話要自己嘗試
唔使人幫, 佢自己扶住啲野爬上去
雖然係爬得慢啲, 但己經好叻仔喇!!!

呢啲就叫"通山跑"

地下好多樹根，大爺有時跑得快就唔小心會kick倒

不過我地無唔俾佢跑，小朋友跌跌碰碰好小事，
佢自己都跌慣左好快起返身拍拍手拍拍褲。仲口up up話無事，哈哈！

又要自己

點知行到上山, 公公婆婆話唔係呢條路
行錯路啊!!!
=.=!又要落返山再搵過條路

落山太斜, 所以唔俾佢自己行, 拖住安全啲

 落到山, 呢三個公婆孫話要影下呢棵大樹

問左啲村民,終於搵返條岩既山路喇!!
大爺又跑山~真係好精力..

呢條就係戰壕喇!!
打仗時啲士兵就係埋伏啲敵人架喇!!沿住呢條路就可以去到各個機槍堡~
大爺執左條樹枝扮搶, 嘭嘭嘭!!!!

再向前行無幾耐, 就見到機槍堡喇!!
um, 同我想像中既有出入, 明明婆婆同大爺講似城堡架, 點解一啲都唔似???

之後上網睇機槍堡啲資料, 原來係日治期間日軍興建,
用作抵擋盟軍由新界北進侵

公公抱左大爺入去, 大爺仲扮拎住枝搶係度嘭嘭嘭!!

其實入面黑媽媽, 公公用電筒照左安全先抱大爺入
但佢地出返黎既時候, 公公竟然話我知入面有蝙蝠
我話"吓, 軒軒唔驚咩?"
公公:"佢都唔知, 點知驚, 仲話個啲係樹葉"
((汗~~即係公公一早照到係蝙蝠但無俾大爺知))

於是我地就係門口用電筒照黎睇下
大爺知道係蝙蝠捉到我好實, 仲不停講"頭先仲以為黑黑個啲係樹葉添"

搵到晒機槍堡同戰壕喇!完成今次既目的喇~

YEAH!跳下先~

行完緊係休息下食下野

我都未食, 大爺就係咁搶

冰菠蘿
原來我以為罐頭圓型一塊塊個啲
點知~~~貢~~大~~條~~@@

仲有5蚊既洛神花茶, 好飲!!酸酸地~

紫蕃薯呯仔糕
唔知咩味, 我一啖都無得食~

休息完就慢慢行返出去
勁多怕羞草, 大爺好癲咁一腳掃晒

兩公孫各自係度尋寶, 究竟搵啲咩??

搵到喇搵到喇!!

一掉就痴住啲衫 , 兩公孫就不停係度互掉
你追我逐 , 好sweet囉wakakaka
好似啲情侶係度灑花槍咁!!
大爺仲玩到咔咔大笑左好多~~

就係呢粒野, 兩公孫玩到唔捨得走
大爺仲話拎啲返去掉大爺爸..hahaha