大爺第一釣@海濱碼頭

01 OCT 2015
 前排大爺爸愛上碌齡, 所以屋企多左個保齡
早排大爺爸愛上踩爬山單車, 所以屋企多左部單車
近排大爺爸愛上釣魚, 所以屋企多左2支魚杆
唔知遲啲屋企又會多左啲乜???
其實我家大爺爸平時好忙, 忙咩???忙去玩囉~
踢波, 打羽毛球, 篤波, 踩單車, 釣魚, 摸蜆....等..等..我都唔記得仲有乜
乜都有佢份, 邊到佢唔忙啊!!!
~.~ 哼!!

HAHA, 講返正題先

大爺爸想毒我同大爺去釣魚好耐
我硬係覺得釣魚呢個活動好悶, 所以一路都hea佢話遲啲先,
今日俾佢如願以償喇!!
近近地, 去左大埔海濱碼頭 玩下
好處: 後面有個公園, 萬一大爺無興趣釣魚, 可以去sir下滑梯XD

大爺好驚盒蠕動緊既蟲蟲, 仲叫大爺爸拎開啲

估唔到咁靜態既活動, 大爺都有興趣
又肯坐定定,雖然佢坐定定, 但把咀係無停過!
不停講不停講, 我話你再咁多野講嚇走晒啲魚
佢就轉用輕聲黎講=.=!!

大爺爸釣到幾條魚仔, 大爺仲未有動靜
成日都俾啲魚食左魚餌
叫佢俾枝魚釬我玩, 又唔俾!!我話我排隊, 再釣唔到就輪到我~

其實呢條係大爺爸釣架~借黎影個相先XD

衰仔包唔俾我用枝魚杆, 唯有用魚排仔
呢條係我釣既魚毛仔..HAHAHA

當我同大爺爸解緊條魚時, 突然聽到大爺大嗌
"釣到啦, 釣到啦"

即刻叫佢搞條線上黎
嘩, 大爺第一條魚啊~

阿大爺爸仲搞緊我條魚,唔得閒理大爺XDDDD

大爺好得戚仲語帶輕挑咁同我講:
"哈哈, 我釣到魚, 我有得再釣, 未輪到你, 你無得釣"
"邊個釣到就有得再釣"
@___@正衰仔包黎架!!

相都影埋, 大爺爸都仲未理佢, 大爺索性fing條魚上岸.

當大爺釣到第一條魚後, 佢就開始雄心壯志
又真係俾佢釣到多2次喎, 即係今日總共佢釣到3條魚仔..


由4點釣到6點, 差唔多天黑就走lu!
大爺仲話釣魚好好玩, 下次要再去釣魚