[山系大爺] 帶啷啷一家遊鹿頸

2 MAY 2016

[山系大爺] 帶啷啷一家遊鹿頸

話說契媽見大爺行山咁好玩, 想試下跟我地行一次山
由於契媽第一次行山, 佢要求我地搵啲低級路線俾佢, 所以就帶左佢地去鹿頸喇!!

但係唔知係咪鹿頸呢個地方俾親子網站推介過後, 定係今日連放三日假期
點知可以咁多人???上次同大爺黎都無乜人
等小巴又排晒長龍, 幾個字先有一班車, 我地唯有改搭的士
入到去沿路都有一大群人, 係行一陣又有一大班人,
有班人仲霸晒成條路, 企左係度影蝴蝶, 後面啲人就塞晒係度
影蝴蝶唔緊要, 佢地仲要無意識讓一讓人行先..??
臨走又係大排長龍等小巴, 我諗我地如果要等, 起碼要5架車先上到
真係好癲!!!所以無乜事都唔會再黎~呢度俾人攻陷左咁...

今次有啷啷陪, 大爺好開心啊!!
好似係第一次有小朋友同佢一齊行...

啷啷雖然第一次行,好叻仔,!!!
起碼無依個大爺有潔癖症..., 睇下下面張相就知

大爺見到啲濕既泥就唔肯企落去=.=!!

俾枝棍佢先肯落去, 有得周圍篤下...搵下蟹仔..

開始見到海喇!!

個兩個爸爸越行越出,周圍搵野
我就無佢地咁好氣, 同我兩個乖仔影下相先 

有契媽就有糖糖食XD

一見到契媽, 大爺就知有糖食, 契媽個袋成日預備定啲零食..

呢兩兄弟成日係度爭做隊長!!

兩個"講解員"XD

蟹仔!!

大爺爸今日主動幫我同大爺影相囉..
平時要我開聲先幫我影=.=!!

呢張影得唔錯..haha!!

兩隻野好似好識欣賞風景咁XD

大爺:" 啷啷, 唔好行咁出啊, 小心跌落水"
聽到大爺咁講, 好安慰啊, 識得照顧身邊既人~

又執石頭掉!!啲小朋友真係好鐘意掉石頭

依張契媽影,又唔錯喎, 影到塊面咁瘦既..WAKAKAKA

好鐘意呢個碼頭仔, 風景好靚~

點知依個時候, 突然間落雨
我地唯有去士多o個度食午飯等停雨,好彩無繼續行, 越落越大...
食完飯, 等到停左雨就返轉頭回程喇!!

出到去小巴站, 大排長龍, 係等5架車都未必有得上
 5架都唔係問題, 4-5個字先有一間車, 即係我地可能要等2個幾鐘
又無的士喎, 俾人截晒!!!


啷啷都好照顧大爺架, 服侍佢吹風扇XD

等等下, 我地決定行出去沙頭角路搭巴士
行出去快過等小巴, 但行出去都要40分鐘!!!!


好彩無落雨 同埋 依兩個小朋友無扭計話唔行,
不過佢地就要契媽一路行一路講故事, 講到出去, 足足講左8-9個字無停
((唔知係咪講得太耐, 契媽第二日就喉嚨痛..WAKAKA))
 行到出去咁岩就有巴士喇!!!太好喇~~唔使企係度等~