[SUMMER 2016] 補祝啷啷生日@深水灣

[SUMMER 2016] 補祝啷啷生日@深水灣

今日好好天, 上次同唔到啷啷一家去沙灘, 今日補返數!!

 

大爺今日沙灘look有唔有型??

因為大爺去沙灘大部份時間都o係出面游水唔肯返入黎

上次己經搽足防曬, 都係曬到隻手燶左, 仲兩截色添~

 今次都係買件長袖俾佢, 點曬都唔會兩截色喇嘛??

啷啷細佬身型好fit, 併埋大爺到...........大爺個肚腩好........XDD

今次NANA妹妹病好, 可以一齊玩喇!!!

影返張相先, 2個菠蘿, 一條蕉..HAHA

啷啷好鐘意我送既生日禮物

近期好hit既烈車戰隊人

契女越大越可愛既呢~~又成日笑, 開心果!!!

其實一落到沙灘, 大爺又係未換衫己經話要落水

但我地買左麥當當做lunch, 要食埋先可以落水

大爺就一路悶悶不樂咁塞晒啲野食落咀=.=!!!!

 

一話可以落水佢就開心晒~~同啷啷一齊衝左出去..

 

我覺得......大爺跑得好有型..wakakaka

呢個大爺落水玩成個鐘都可以唔上水

啷啷拎住把水搶, 係大爺學校生日party既小禮物黎

仲可以打開擋住人地射過黎啲水.., 我覺得幾過癮~

捉黎捉去, 游黎游去,睇唔睇到我都玩到....幾...咁...開...心XP

依個大爺就係咁, 成日越游越離群, 我地去搵返佢~

佢仲要我地唔好跟住佢, 真係大膽!!!

啷啷今次好叻,好快唔驚水, 不過就一定要痴住大爺爸先得, 

佢好信任大爺爸多過佢自己爸爸XD

 

間中唔都上返岸搵返NANA同大爺契媽

 依個開心果真係氹得人好開心!!

呢兩隻野俾我地迫左上黎休息先掘下沙沙

好忙啊好忙啊!!

掘掘下又話要出去裝水, 仲俾我偷聽到大爺同啷啷講"不如我地兩個拎埋水泡出去囉"

真係大膽啊, 我就唔俾佢地拎水泡, 叫佢地裝完水好入返黎

己經浸左好耐水, 起碼有個幾, 兩個鐘有多添喇~

踢下水咪幾好囉!!

哎吔, 起唔到身添~~哈哈!!

由朝由11點幾,玩到成5點先去沖涼換衫

真係玩足大半日!!!

游完例必食返條雪條爽爽佢~

大爺又要痴住NANA妹妹, 仲好溫柔同NANA講野, 又情深對望~

我近期真係覺得大爺係個靠得住既好哥哥黎架~!!

大爺搭車直至返到屋企都瞓左, 夜晚八點幾醒過一陣都無

佢就話要沖涼瞓覺!! 無錯, 係又瞓~睇黎今日真係玩得好攰好攰~

臨瞓前, 大爺係咁話今日真係玩得好開心~

好啦好啦, 今年我地帶多啲你去游水啦!!!