[SUMMER 2016] HAPPY DADDAD'S DAY@馬灣

19 JUN 2016

[SUMMER 2016] HAPPY DADDAD'S DAY@馬灣

父親節依一日我地去左馬灣海灘

但其實, 本身唔係因為父親節去海灘既
係因為要慶祝契仔生日WAKAKAKAK
但點知出左門口先收到個壞消息, 契女病左, 所以佢地一家都要留係屋企!!
OH NO!!!都無辦法啦~~~
 所以依日父親節變左屬於大爺爸一個人喇HAHAHA!!

我地大約下午一點食完飯先出發, 去到大約2點幾啦!!
大爺衫都未換就話要出去玩水=.=!!下次要幫佢著定泳衣搭車先得~
換完衫, 搽埋太陽油佢就同大爺爸出左去
我等...........等...........等............左等右等.........
我覺得等左有成九個字, 佢地都未返黎
 我就係度乾蒸....到我落水未呢???

終於等到佢地返黎, 依個大爺原來想拎個筒去裝水先返入黎
我當然把握機會, 我話陪佢出去..WAKAKAK

由於我地本身坐得太後, 見唔到佢地,
我就叫大爺爸搬前啲, 方便大家一齊落水, 又可以睇到啲野

好鐘意依張, 影到我同大爺都好開心..風景又靚!!

我發覺大爺鐘意落水玩多過玩沙
玩唔夠一陣沙又跑左落水

好忙碌既大爺

以前我同大爺爸未有大爺時都好愛去海灘架!!
依個大爺都遺傳左我地, 愛陽光與海灘!!

唔知點解佢連跑步既姿勢都浮誇過人XD

玩到六點幾太陽都落山就閃喇!!
睇下大爺既眼神幾迷~~~無瞓晏覺, 玩完攰到咁..放晒電~

我地入左間餐廳食dinner, 一坐底無耐大爺就瞓埋..
不過都好, 我同大爺爸可以靜靜地食!!XD