[[親子樂]] DIY清涼驅蚊膏

 [[ DIY清涼驅蚊膏 ]]

有左大爺之後, 戶外活動真係比以前多, 正確黎講係多左好多..好多..

行山, 郊遊, 公園, 沙灘真係蚊子高危地方, 連大爺間學校都有

 有一次大爺太早返學, 校門未開, 企左係門口等左陣對腳己經俾蚊咬左幾口

自此之後, 買左啲防蚊帶俾佢日日帶住

點解唔搽蚊怕水, 因為公公係唔會記得幫大爺朝朝早搽=.=!!!

但蚊帶, 大爺見咁得意, 佢係會記得日日拎黎帶, 哈哈~

不過, 今次同大爺一齊DIY蚊膏, 佢整完真係日日出門口都袋住, 仲好肯拎出黎搽

連我都估唔到XP

清涼驅蚊膏配方:
甜杏仁油 20ml    乳水果脂20ml   白蜂蠟10g
檸檬尤加利精油7滴   香茅精油7滴

精油和其他材料的功效 :

檸檬精油 - 香氣清新, 提神, 具有防病毒、殺細菌、殺真菌功效。

  香茅精油 - 同時具良好驅蚊作用，也可防止小動物和昆蟲

 甜杏仁油適合夏天, 滋潤肌膚, 的嬰兒也可使用。

我拎齊晒出黎, 大爺己經好雀躍咁衝左過黎話幫我手一齊整

依啲搞搞震既野佢最鐘意!!!

{做法} 將甜杏仁油,乳木果脂, 白蜂蠟放入量杯，座熱水加熱至充分溶解及混合，
加入精油再拌混即可倒入唇膏筒置涼即可。

幾咁小心攪攪攪

好專心地量10g白蜂蠟

由於要用熱水座熱住黎攪, 所以我叮囑好多次大爺要小心啲,
要慢慢黎, 唔使心急!!

大爺話有啲似平時同我一齊整蛋糕咁, 好簡單啫!!真係得戚~

倒入唇膏筒就由我負責啦!!等放涼左就用得喇~

YEAH!完成喇~~

第一次DIY蚊膏, 製作過程輕鬆方便, 仲可以享受親子樂

見個透明唇膏筒差咁啲野咁, 就搵啲靚靚貼紙裝飾下佢先!!

UM....大爺見我貼得咁開心,佢又話要搵張貼紙自己貼
原來係巴斯, 自己貼完就話依支係佢既!!!

大爺牌驅蚊膏

出街佢真係記得帶, 放左o係自己褲袋,  仲要我一齊拎支驅蚊膏出黎齊齊搽!!
平時啲噴霧裝蚊水, 佢未夠力自己噴!
依支唇膏裝佢可以自己擰出黎自己搽, 佢覺得好過癮~哈!!

用後感:

依幾日同大爺去公園或者返學都有搽, 放工返去睇下佢啲手仔腳仔,
暫時未見有蚊咬!!!遲啲去行山再試驗下先...
同埋, 因為係佢一手一腳有份參與做, 所以佢好主動帶出街搽~
佢仲要成日拎出黎俾人睇, 可能佢真係好有成功感, 好威威~~XP

而我返工出門前會搽定先, 因為巴士站等車時成日都俾蚊咬
同埋我幾鐘意呢陣味, 好清香, 有少少香茅味 聞落都幾提神添架~
初頭以為呢啲膏裝會"笠痴痴" , 但又唔會喎!!感覺唔錯~~

{{購買方法}}

  原材料於https://www.essentialelements.com.hk/zh/ 網上購買 ,
  方便得很. 而且所有原材料是擁有40多年歷史的永興醫學化學有限公司的附屬品牌,
  對原材料質素有信心保證. 而且購物方法好簡單, 亦可以到他們的荔枝角門巿親自選購心頭好

 網站 : https://www.essentialelements.com.hk/zh/

 Facebook 專頁 : https://www.facebook.com/essentialelementshk