熱辣辣迪士尼2015

熱辣辣迪士尼2015

自從生左大爺之後, 每年都會帶大爺入迪士尼一次
好好彩, 每年都有朋友帶我地入去!
((我依啲古寒媽媽係唔捨得俾錢入去haha, 真係好貴))
上兩年都係3月, 我同大爺爸去完旅行返黎就帶佢去
因為要彌補返我地掉低佢去旅行wakaka
今年帶左佢去旅行, 一直拖拖到6月先去~
 不過經過今次之後, 我絕對唔會再夏天去..真係熱到底底都濕...

YEAH!!到左~

天氣真係好好囉!!其實我唔使咁好天架~T__T
我想要返啲黑雲, 陰陰天咁~~

未入去, o係出面等朋友帶我地入去都己經出晒汗!
熱到咁, 大爺仲可以周圍走無時停~
仲叫我一齊跑=.=!!

一入去就去新開既"魔雪小鎮"拎fast pass
點知無晒!

行到出晒汗, 見"迷離莊園"唔使排又未玩過喎,
重點, 又有冷氣, 咁就入左去

~~~~~~點知~~~~~~
大爺驚到不停話我地"做乜你地要帶我去呢度啫"
"得未啊? 玩完未啊~走未啊"
我都唔知咁黑又有野飛出黎架嘛..wakakakaka


搗蛋幫首領
形容大爺好貼切啊

叫佢扮慘, 佢就咁既樣wakaka

姿勢正確, 唔好整襯條腰XD

扯條繩, 上面水喉會有水出
如果咁岩有人側邊行過唔知咪濕晒???

之後就去Toy Story land, 因為5點有人包場, 拿拿淋去左玩先
大爺第一站玩完個迷離莊園, 之後玩襯乜都問"呢個玩乜架?"
要問到清清楚楚先入去排隊
=.=仲話我地:"做乜頭先帶我去黑黑個度"

上年玩過降傘, 見佢咁開心, 今年又排隊玩
YEAH!!今年大爺點名要我陪玩~

我地兩母子玩得幾咁投入 ~HAHA

要舉高手先刺激~

真係曬到增唔開眼!!!

大爺一歲時玩過彈弓狗,o個時驚到差啲扯甩我頭髮
我諗佢大個仔唔驚架啦, 就排隊玩!
嗯, 果然....完全唔驚啦~ 仲好瘋癲, 完全係笑到傻左~

仲要嗌, 又笑又嗌, 唔知嗌乜鬼~

((彈弓狗呢個位曬到正, 張凳坐上到辣肉架, 要舖條毛巾大爺先肯坐))

同彈弓狗頭合照下先!

玩完快速影相就走, 超曬超熱
每年都搵返啲必位影黎同大爺影

今年到三眼仔隻位啦!

每年一損!

真係藍天與白雲!

成龍POSE~XDDD

突然o靚模上身, 狂吉pat, 又扭晒腰

 連迪士尼啲影相哥哥都走埋黎問佢, 邊度學返黎既

不知不覺己經2點, 係時候食lunch!!
但大爺可能熱得滯無位口, 食少少就唔肯再食~~~

食完啲人去左睇巡遊, 無人排小飛象, 即刻去玩

點解連玩小飛象都笑到咁???好瘋癲~

hihi dad dad~~~

諗住去玩射槍, 點知維修!!無得坃
突然見到巴斯行緊出黎, 我就跑過去, 大爺唔知乜事見我跑佢又跑
wakakaka不停嗌, 媽媽你去邊啊...
你阿媽我跑去排隊俾你見偶像啊.~~~

排一個就到我地影喇!!!

握握手, 做個好朋友!

yeah!!!

出拳!

好friend咁haha

跟住大爺就急不及待去ja車喇!!!
係大爺最愛!! 排幾耐都要玩~

一上車點嗌佢望下鏡頭都己經唔理我!!

玩完又話要再排=.=!!我真係唔會再排
排"弛車天地"係最耐, 點解呢??

天氣咁熱食返支雪條爽下先!!

己經四點幾, 入餐廳涼下冷氣暗下佢瞓
如果唔瞓, 佢應該捱唔到夜晚睇巡遊~
初初死都唔瞓, 叫大爺爸抱佢行一個圈就瞓左!

瞓左一個鐘, 就叫醒佢, 睇6點鐘個場"米奇金像奬"
初初見到米奇, 高飛個啲話好好睇, 睇到好開心
一到鐘樓陀俠, 花木蘭o個啲出黎就驚
(我諗佢以為係壞人, 同有啲打交場面)

睇完, 出黎見"小小世界"又唔使排, 就入左去...
啊, 原來啲小朋友鐘意睇呢啲, 大爺話好好睇!!

返到屋企仲係咁叫我唱"世界真細小"~

見仲有時間, 去玩埋"咖啡杯"
開心到佢呢~

見到你咁開心,我就開心架喇!
 熱死都抵架~

一著背心就成日突登露個膊出黎
仲嗌"SEXY~~~~"

玩左成日, 呢個大爺仲有精力跑~~

差唔多時間就出返去大街搵個靚位等巡遊喇!!

呢個夜間巡遊真係好靚~

最緊要既係, 有大爺最愛CARS系列

一見到佢地出黎即刻彈起身SAY HELLO

大爺"HELLO, 麥坤, HELLO~~真係好開心啊"
WAKAKAKA...大爺真係忠實FANS黎架

睇完搭迪士尼地鐵去青衣
食埋DINNER先返屋企!!