BIG YEAH [3Y4M] 病得淒涼 + 正式下水禮

21 JUL 2015
BIG YEAH [3Y4M]

終於打晒首爾遊, 唔知幾時又有得再去..嘿嘿!!
雖然真係好爽, 但我日日都好掛住大爺架~

本來去旅行前, 大爺個病都好得七七八八, 退左燒, 仲有啲咳咁..
點知我落機o個日, 又再燒過
好明顯佢掛住我掛到發燒!!!

返到香港見到大爺, 瘦左成個碼, 陰功!!!
個個見襯佢都話做乜瘦左咁多~~

今次病到個人無晒心機, 又扭!!就係咁..
痴身膏藥, 成日要抱住....

真係食藥食到傻左, 平時少少事都笑一餐既佢, 成個星期無笑過
叫佢笑下先, 佢就話"我真係唔想笑啊嘛"=.=!!
燒下退下, 去公園又唔玩話要返屋企, 好少可咁..
睇黎佢仲好唔舒服, 淨係想o係屋企!!

為左氹佢開心, 又買左新車車俾佢!!XDDD
超級車迷, 每晚都搵架車入房陪瞓~

雖然病到扭計左, 但都好聽話肯戒口
我話佢咳, 唔飲得奶, 佢又肯唔飲
有啲ee請野佢食糖,餅餅,佢又同人地講"但我咳咳唔食得住啊, 多謝晒"
wakakaka...笑死我!!

經過一星期, 終於病好, 又清晒啲咳!!
終於重現笑容啦~~真係開心晒!

病完大爺胃口大開XDD好快就回復返體重

唔知點解樓下個泳池今年咁遲先開
終於等到佢開, 即刻同大爺黎個下水禮先XDDD

YEAH!!未落水先興奮
呢套衫12-18M既著足3年都仲岩著..仲要今年係最fit身
我係咪應該開心, 佢幫我慳錢???

帶左佢最鐘意既米奇水槍落去

樓下有泳池既好處,大爺爸無假放
我一個人都可以帶大爺去游水!!咁可以同佢游多啲水..

點解又無乜人, 因為呢家係朝早八點幾..WAKAKAKA

一到九點就開始多人落黎, 又有游泳班
嗯~~下年幫大爺報下游泳班先

傻左!!!開心自轉中...
轉完自己係度咔咔笑..

扮寫意自己係度浮

浮下浮下就轉身走鬼埋=.=!

玩玩下無端端話要即刻返屋企, 明明玩好開心
見佢禁住JJ位, 問佢係咪急VV, 佢先話係
我話呢度有廁所架, 唔使返屋企
佢: "下, 係咩, 哦~~係邊架???我以為依度無廁所啊嘛, 你又唔話我知既"
我:"你又無問, 我點知你唔知"
(( =.=衰仔包!!! ))

開開心心游左一個半鐘, 見佢凍就上水返屋企lu
費事佢冷病, 下次再游過拉!