三個女人首爾遊[[DAY3]] 南大門(童裝)-->Thanks Nature Cafe(羊羊)-->烤肉

22 MAY 2015
三個女人首爾遊[[DAY3]] 
南大門(童裝)-->Thanks Nature Cafe-->烤肉dinner

尋晚咳得無第一晚咁勁, 都可以瞓到幾個鐘咁大把=.=
見到面有類似ICAAC吐司咁既檔口仔, 近近地買黎做早餐

無ISAAC咁大份同多料, 味道都OK
但又係有甜甜地既漿

食完就搭地鐵去南大門
全條街都賣童裝架, 好幾個大商場, 未行都己經心情興奮

行左頭幾間地舖己經FEEL到呢度係燒錢既好地方
香港賣韓國童裝好貴, 依度平一半啊!!!

一個商場入面原來好大, 密密麻麻既舖頭
睇到我眼花

點解啲韓國童裝咁得意咁靚架???
好難忍到手囉......不過我覺得我己經控制得好好!!XDDD

由朝行到兩點幾, 買買買, 買到連lunch都唔記得食
o係附近搵間地道野食, 丫!!又幾好味喎
刀削麵, 紫菜包飯, 好好味!!!
韓國啲野好大份, 可以share2個人食夠晒...

食完行多陣就閃, 此地不宜久留
不過臨尾俾我地發現到"amber outlet"又敗多條hkd35既牛仔褲同衫俾大爺
真係超級抵!!!!!!!!
再行落去真係好大獲, 只會不停燒銀紙
買童裝仲開心過買自己野=.=!!

行左咁耐實在太攰, 去cafe度hea下坐下
我地去左Thanks Nature Cafe
依度有兩隻好可愛既羊羊架!!所以黎會一會佢地...

羊羊cafe點少得羊羊既擺設

我嗌既green tea latte,正啊!好飲~

朋友個杯, 唔記得係乜黎?? wakakaka

韓國啲餐廳, cafe好多都有得俾你個電話叉電
好細心啊!!!香港可以效法下喎!

登登, 呢個朱古力窩夫超正啊!
即叫即做, 熱辣辣, 重點個啲cream係有coffee味
雪糕+coffee味既cream+朱古力窩夫, 真係絕配啊!!

影完合照, 唔使2分鐘, 我地就KO晒佢!!XDDD

食完, 好滿足!!!去探下依度既主角先

HELLO!!

好白雪雪啊!!
依啲咁乾淨, 唔知大爺仲驚唔驚呢??

啲毛又靚又白, 得意到好似公仔咁!!

啜!!!

玩完羊羊就返酒店放返低啲戰利品同休息
因為另一個朋友今晚先到, 等埋佢先出去食dinner!!

咁得閒就拎晒今日o係南大門買既戰利品出黎
登登~~~有啲一樣既買俾契仔既
((我好變態, 要佢地著兄弟裝 wakaka))
bb衫就係宜姨就黎出世既囡囡既
其實我又唔係買左好多俾大爺咋!!!

等到九點朋友先到, 即刻出去食DINNER

經過東大門既花海, 好靚啊!!!

剛黎既朋友, 隔3個月就黎韓國入貨
佢印尼開舖賣韓國女裝, 所以識啲韓國人,
佢地都會帶佢去食又平又好味既野
今次朋友就帶我地去食好野
今餐食燒肉

終於齊人喇!!真係三個女人遊首爾喇!!

乾杯!!三個女人一碰埋, 真係有講不盡既話題

WOO,依餐真係又平又好味!!!!

真係食到肥死都抵!!!

食飽, 吹完水, 朋友就要去入貨
因為零晨12點先開始, 我地無跟佢去, 行左一陣東大門就返酒店!
朋友就行到零晨四點度先返黎, 啲錢真係唔易賺
朋友話次次黎韓國入貨都好辛苦!!!