三個女人遊首爾[[DAY4 & 5]] 學林-->炸雞-->壁畫村-->烏雲雪糕-->汗蒸幕-->土豆排骨鍋

三個女人遊首爾[[DAY4 & 5]]
DAY4 學林-->炸雞-->壁畫村-->烏雲雪糕-->汗蒸幕-->土豆排骨鍋
DAY5  酒店-->機場

23 MAY 2015
去旅行既時間次次都過得特別快!!!
話咁快就第4日喇~今朝瞓到自然醒先起身

第一站 -- 學林

係咪好熟口熟面呢!!KAKA
咪就係"星星"都敏俊同律師係度捉棋個間cafe

坐係度三個女人傾下計, 嘆下coffee, 好hea咁真係爽爽啊!

之後就去搵李敏鎬喇!!

HIHI!!

三個女人都食唔晒呢碟炸雞!!

食飽飽, 去梨花壁畫村

依幾日, 日日都好好天!!!
((公公話香港o個幾日, 日日都落狗屎, 勁大雨))

又要行山喇!!

今日可能係星期六, 勁多人!!

掂!!!

終於搵到我想影個對翼喇!!XDDD

I

點解要整三篤屎係地下???

行完曬完又去食WAKAKAKA
呢排好hit既烏雲雪糕

開左間分店o係酒店附近, 唔使去咁遠食!!

um...舊雲唔夠黑, 有少少失望!!

其實味道好普通,雪糕入面有爆炸糖
棉花糖有啲薄荷味!

返酒店放底野, 就去汗蒸幕
睇韓劇上腦既C奶, 當然好想去下韓劇成日出現既汗蒸幕啦!!
終於俾我去到啦~~換完衫入到去既環係好暗既..個個瞓晒係地下

睇韓劇見啲女主角係度食雞蛋, 又買黎試下!
好彈, 好似食擦子膠咁XDDD
杯野就好飲喎, 似薏米水咁..

我個LOOK

有大大細細, 高溫低溫既桑拿

唔想瞓到咁開揚,
仲有一個個窿俾你捐入去瞓wakakak

其實依度真係幾無聊hahaha
如果搭寧晨機想慳返晚酒店錢, 可以去呢度hea!!

最後一餐DINNER, 朋友帶左我地去食又平又正既"土豆排骨鍋"
真係超好味!!!仲要HKD1XX/一鍋, 我地仲要食唔晒!!

成個trip繼韓牛之後, 最正就係呢個!!!推介!!

個湯底好野味!!少少辣
全個鍋每一樣野都好好味~

阿豬媽見我地食淨少少, 就筆起啲排骨
 加啲飯落去撈

woo!!啲飯入晒味啊~超正!
但實在太飽, 食唔晒~~

是晚, 齊齊敷返個韓國動物mask!!
不過唔係韓國買wakaka, o係香港帶黎架~~~

今晚吹水吹到成2點先捨得瞓!!

24 MAY 2015
DAY 5

今日無行程, 搭下午一點幾機
七點就去搭機場巴士去機場了!!!

用埋最既既2000won黎食呢碗魚旦烏冬, 食完就身無分文喇!!

等上機, 好彩d/l定啲劇黎煲

本身四點幾到香港, 點知我地係香港上空兜左差不多兩個鐘先降落!
真係兜左好多個圈XDDDDD

終於安全降落!!!

返黎之後韓國就爆新沙士, 真係好彩唔係我個段時間~

 去完覺得韓國, 唔太適合帶大爺去, 等佢大個啲先
因為韓國地鐵好多都要行樓梯,想搵條電梯都難, 呢幾日我行左勁多條樓梯
同埋食物方便都唔係咁岩大爺食
睇黎下次去韓國又要搵返朋友一齊去, 嘿嘿嘿~~