愛聽故事(又要聽又要驚) + 可愛甜品

平時大家見大爺都係好動個一面
其實佢都有靜既一面既!!
嗯!!佢係好鐘意睇故事書~~

通常星期六/日 無街去既話會同佢去圖書館
夏天更加去多左, 因為有冷氣, 慳返屋企既電費嘛..XP
 不過屋企附近無圖書館, 要搭巴士幾個站先有

上星期六無街去又帶左大爺去圖書館

自己揀書, 我就坐係度等佢

揀完幾本拎過黎就叫我講!!

我講完又叫佢自己睇,佢就會講返一次俾我睇
但個內容就同我講既有啲出入, 佢自己看圖作文咁...

依一日佢揀左本寫住係"睡前故事" (點解睡前故事咁恐怖?)
入面有三個故事, 都係講隻柴狼食左小豬啊, 小紅帽.落肚...
我越講, 我就留意到大爺越退越後, 好驚咁..
笑屎我!!我以為佢睇TV見到壞人先驚
點知佢連睇故事書都驚..實在太投入!


之後又講另一本, 入面有個恐怖姨姨鬧啲小朋友唔數好玩具, 佢又驚...

一講到依頁, 恐怖姨姨掉左隻免妹妹去黑黑垃圾房佢就成身震晒
係!!真係成身震晒... =.=
我話你驚咁不如唔好講, 佢又話想繼續聽...

o係公園好大膽, 玩機動遊機又好大膽
點解睇書同睇tv會咁細膽???

講完啲咁恐怖既故事 , 聽下兒歌輕鬆下先WAKAKA

每逢午睡前/ 夜晚睡前都叫我講故事
或者佢自己睇, 自己作故事
作完啲奇怪故事就自己係度笑XDDDD

瞓醒午覺, 大爺爸就收工!
同我地去試下近期粉嶺好HIT既甜品

登登, 單眼仔啊!!HAHAHA

其實我又唔多好"綠茶"味既野
但我又鐘意佢青bb喎..所以嗌左單眼仔..

真係好得意啊!!

不過大爺鐘意食大爺爸呢碟窩夫多啲!
因為係朱古力XDD

依間o係粉嶺黎講算味道ok
地方夠大算好坐, 下次可以帶大爺再黎hea下!!