[卜卜BB] BBQ~~~~~~~~

6 DEC 2015

改左一次期既BBQ, 依一日終於成功B到喇!!YEAH!!

 多謝天文台長既天氣預告

下次去旅行, 去郊外之類活動都要問下天文台長先得!!

呢個天氣真係最岩BBQ, 大爺媽我勁鐘意BBQ

打邊爐我都好岩架喎, 大家下次可以打邊爐..WAKAKA

今日同大爺食完午飯, 玩一陣, 見佢想瞓覺就拿拿淋帶左佢出門口

搭車瞓就最好喇!!我又有得休息下~


早左出門口又早左到, 連檬媽都未返到屋企我地己經上左去玩喇XD
小檬同妹妹豬都瞓緊午睡, 我地就細細聲自己拎玩具
無耐妹妹豬就瞓醒出黎喇!!!大爺好開心, 終於有人同佢玩喇~

等檬媽返黎無耐, 小檬都醒埋
小朋友就玩住先, 大人就執定野, 預備好啲食物就一齊落去BBQ喇!

落到去大爺己經話肚餓, 查實佢一聞到人地BBQ就話肚餓啫!!
唯有塞塊包俾佢地食下先..HAHAHA

多謝檬爸, 同Edmond叔叔 透爐, 又做埋大廚
仲有保姆小檬契媽媽 (連大爺都跟左小檬叫契媽媽)
無左佢地, 我地真係無啖好食:D

今日仲有燒腩一家, 妹豬一家

妹豬一家未到, 我地忍唔住開餐先喇!!

依兩兄弟次次見襯唔夠一陣就己經混熟, 兩個成日揇埋一舊!!

依一晚佢地無時無刻都係咁..XD

今日仲有大會攝影師NT哥哥,成日係檬媽啲相見到, 終於見到真人喇!!

啲小朋友們排隊玩飛高高...幾受歡迎

睇返啲靚相先~
呢家見到啲相又想再BBQ囉....

大爺 + 妹妹豬 + 妹豬妹

三個男仔今晚不停跑跑跑

男女男

好成功既小朋友合照!!

加埋靚媽們!!

爭凳仔!!
前面個兩個笑到癲左~

妹妹豬爭輸左
((我地好似大恰細喎XP))

今晚好開心啊, 多謝小檬一家!!辛苦晒~^3^